ڕوسو دبێژيت، ئەز قەبخۆاستنێ دکەم کەسەک بقاسى من وێرەك ھەبیت، راستیا بیرەوەریێن خوە ب ڕاستگۆییانە نڤيسى بن.)
د ڕستەيا نڤيسينا سەريدا مژارا نڤيسينا كچا وێرەك ھێلان چيا، ھاتە بيرا من، وێرەكيا وێ نە د دارێژتنا گۆتارێ دا بوو، بەلكو وێرەكيا وێ د دلێ وێ يێ مەزن دا بوو، لھەمبەرى وان ھێرشێن برێكا سوشيال ميديا ل سەر ھاتيەكرن. تنێ بۆھانەيا وێ ئێكێ كو گوتارەك لژێر ناڤێ (حجاب مە ناپارێزيت ھەى ژن) بەرى چەند ڕۆژان نڤيسيبوو، و ئێدى بۆ مژارا ڕۆژەڤێ. ئێدى ل سەر ديوارێ فێسبۆكا خوەدا پارڤەكرى، و پاشان لدويڤ داخوازيا مالپەرێ ناڤبرى دا ھاتيە بەلاڤكرن، لێ مالپەرێ ناڤبرى گۆتارا ناڤبرى ب نێزى 300 شروڤەيانڤە ل سەر مالپەرا خوە، مالپەرا ڕوانگە و ڕەخنە لادا.
ھەلبەت ئەڤ ئێكە ژى ب ديتنا مە نە ئازاديا دەربرينێ يە ب مافێن ڕۆژنامەڤانى دھێتەكرن، و ژ ئاليەك دنڤە نە ھشياريا نڤيسەر و ڕۆژنامەڤانى يە.
بديتنا مە ئەڤ بێرێزيا ل سەر گۆتارا ناڤبرى ژلايێ خەلكى ڤە ھاتى ئەنجامدان زەنگەكا مەترسيدارە بگرە ل سەر؛ ڕۆژنامەڤانان، چالاكڤانان، سياسەتمدار و ئيمناھيا وەلاتى وھتد.
بنێرە، خوە چێبوونا ديرۆكا گروپێن تيروستى بگرە؛ ژ بۆك و حرام، جبھە النسرە، حزب اللە، داعشا ئيرۆ و ھتد. وەكى پەيسكەك برێكا ڤان جورە ھزركرنێن توند ھاتينە چێكرن، كو ئيرۆ مەزنترين مەترسينە ل سەر جيھان و مرۆڤاتيێ. گۆتارا ناڤبرى جاردى بۆ مە گەلەك ڕاستيێن ڤەشارتى و مەترسيدار ل سەر جڤاكى دانە دياركرن.
ب ديتنا مە، حجاب، و عەباكێن ڕەشێن عەرەب بكاردئينن ھەر ژ ڤەرێژا كەلتورێ عەرەبان بوويە، ھەر ژ دەسپێكا شەرێن موسلمانان دگەل مللەتان و ھەيا ئيرۆ مللەتێن عەرەبان بەردەوام بووينە ل سەر چەسپاندنا كەلتورێ خوە و ئەم باوەرين دێ د بەردەوام ژى بن، ژبەركو ئولێ ئيسلامێ بوويە گيانێ عەرەبان و كەلتور ژى وەكى خوينا وان لێھاتيە، ئێدى نە گيان بێى خوين دژيت و نە ژى خوين بێى گيان دبزڤيت، ئێدى وەھا عەرەب بچەسپاندنا كەلتورێ خوە بسەناھى دشێن ھزرێن مللەتان داگيربكەن، ھەروەك چەوا ئيرۆ زمانێ: توكيا، ئيران، پاكستان، ئەڤگانستان و ھتد. ژلايێ زمانێ عەرەبى ڤە ھاتينە داگيركرن.
ژ بابەتێ خوە دوويرنەكەڤين، ھێرشێن برێكا شرۆڤەيا كومێنتان ئاراستەيى ھێلان’خانێ ب بوھانەيا دارێژتنا گۆتارا ناڤبرى ھاتينەكرن، نە تنێ دووير بووينە ژ داب و نەريت و تيتال و پاكژيا ڕەوشتێن كوردان، بەلكو دشێت بێژيت ھەڤشێويێ گروپێن سەلەفى و ئيخوانان مصرێ بووينە، ھەروەك چەوان ژ وێنەيێن پروفائيلێن وان دا، ئالايێن سعوديێ ل بشت ھن كەسان بوون، و ھن ژى ب دشداشێن عەرەبان و ڕيھێن مەترسيدار ب ڕەنگێ داعشێ بوون، كو مرۆڤ ژ ڤان جورێن ھزرێن توندرەوێن گرێدايى ھشك باوەريا ئولى فۆبيا دبيت، چۆنكى براستى جھێ مەترسيێ نە ل سەر جڤاكێن كوردى. ھەلبەت وێنەيێن ل سەرى مە بەحسكرين ھەمى ھاتينە سكەنەركرن وەكو پرۆڤ.
بھەررەوش، بديتنا مە مللەت چەند تۆندرەوێ ئاينى بيت، دێ ب وى قاسى داگيركەرى ژى ل سەر زێدەتربيت! بۆ نموونە نەھا ل وەلاتێ پاكستان، ئەڤگانستان لبەرخوەكرنا دشداشێن عەرەبان و خوارنا ب دەستان پيروزيە، و ل گەلەك وەلاتێن دى يێن موسلمانان ژى وەھانە.
ھەلبەت مللەتێ كورد ژى ژ ڤەرێژا چەسپاندنا كەلتورێ عەرەبان قەد بێبەھر نەبوويە، لەورا ژى ئەم ھوين ڕەش عەباك و دشداشە و حجابێن عەرەبان، لبەر بەژنا خوەيا كوردى دكەين! بكارتێكرنا ناڤێن ئاخرەتى، ئەم ناڤێن عەرەبان ل سەر زارويێن خوە ددانين، بكارتێكرنا زالا ئولى ژنێن كوردان جلكێن ڕەنگا و ڕەنگێن كوردى لبن عەباكێن ڕەش ڤەدشێرن، كو بێگومان جلكێن ژنێن كوردان بسەد قات بەدەوتر و ستارەترن ژ عەباكێن ڕەشێن خەليجى، ئەو ڕەشاتيا ھەمى پاكژيێ جوانيێ دناڤ خوەدا ڤەدشێريت! خوە ھەكە ئەم ل ڕۆپەلێن مێژوويا خوە ژى بنێرين دێ بينين كو (پتريا شاعرێن كوردان كەفتينە دبن باندۆرا ھزر و بيرۆك و فەلسەفەيێن صۆفيگەريا عەرەبيڤە) لێ مخابن ھەيا ئيرۆ ژى مە نكاريە خوە لبن باندۆرا چەسپاندنا كەلتورێ عەرەبيڤە ڕزگاربكەين. ھەكە نە، ئەڤ ئێكا ھەنێ دێ چ بيت، ھەكە چەسپاندنا كەلتورێ عەرەبان نەبيت؟
لداويێ ھەلبەت ئەز ژى بخەملداريا گۆتارا ناڤبرى ڕا ھەڤرا، كو بەلێ بەرخوەدێرى و پاكژيا خوەزايێ چياكێن كوردستانێ يە ژنا كوردان د پارێزيت، نەك حجاب و ڕەش عەباكێن خەليجى نە.
دەمھات نورى
17/07/2020
