نێرین

بوچی ئەم نەشێین جودابین و پێکڤە بژین؟


د. شه‌عبان مزوری
‎بوچی ئه‌م نه‌شێین جودا بین و پێكڤه‌ بژین؟ د. شه‌عبان مزوری ئه‌ڤ بابه‌ته‌ ئه‌ڤه‌ چه‌ند ساله‌كه‌ من دڤیا دیتنا خوه‌ لسه‌ر دارێژم، لێ زۆر جاران من هزر دكر نه‌كه‌ شوینا سه‌ره‌راستكرنێ كومباختر لێ بێت، لێ به‌شه‌ك ژ گه‌نگه‌شێت تێنه‌ كرن ڤان دوماهیا لسه‌ر بابه‌تێن جوراوجور بمن كارڤه‌دانێن پر نه‌ ته‌ندوروست لگه‌ل خوه‌ تینن. زۆریا جاران ئه‌گه‌ر نه‌ هه‌می جارا پرانیا كه‌سان شوینا ده‌ربرینا بوچونا خوه‌ لسه‌ر بابه‌ته‌ك یان پرسه‌كێ، هه‌ولدده‌ت خوه‌ بتنێ راست ببینیت و وێ بوچونێ لسه‌ر خه‌لكێ دن بسه‌پینیت. مافه‌ك ره‌وایه‌ هه‌ركه‌س ژمه‌ هه‌لویستێ خوه‌ هه‌بیت لهه‌مبه‌ر هه‌ر ره‌فتار و بوچونه‌كا جڤاك گشتگیر هه‌بیت، به‌لێ بمن نابیت ئه‌م هنده‌ كویر بچین دناڤدا تاكو سنور نه‌مینیت لناڤبه‌را بوچونه‌ك گشتگیر و كه‌ساتیا مروڤه‌كی. هه‌ر كاره‌كێ كه‌سوكی هه‌ڤدژ نه‌بیت لگه‌ل بنه‌مایێن ره‌فتارێن گشتیێن جڤاكێ نابه‌ ببیته‌ بابه‌تێ گه‌نگه‌شێ بو كه‌سه‌ك دی. بمن كێشه‌یا مه‌یا سه‌ره‌كی ئه‌وه‌ مه‌ تێگه‌هه‌ك زه‌لال نه‌ چێكریه‌ لسه‌ر جودایا دناڤبه‌را دوژمنیا هنده‌ك ره‌فتارێن جڤاكی و دیتن و بوچون لسه‌ر هه‌مان بابه‌تی، له‌وما ئه‌م پرانیا ره‌فتار و بوچونێن هه‌ڤدژ لگه‌ل باوه‌ری و بوچونا خوه‌ ئه‌م بكاره‌ك دوژمنكاری و سڤكاتی هه‌مبه‌ر خوه‌ دبینین. ئه‌ڤ تێگه‌هه‌ وه‌ دكه‌ت كو به‌رده‌وام كارڤه‌دانێن توند و بێ به‌رپرسیارانه‌ مه‌ هه‌بن هه‌مبه‌ر كه‌سێن نه‌ هه‌ڤبیر، یا وێرانتر ژ هه‌میێ بمن كارڤه‌دانێن مه‌ بچه‌ندین جار بهێز ترن ژ كارێ هاتی ئه‌نجام دان و بڤی شێوه‌ی ئه‌م شوینا په‌یداكرنا چاره‌سه‌ریێ پرسێ ئالۆزتر دكه‌ین، ژ سنورێ وێ ده‌ردخین و بیڤا جودایێ مه‌ستر دكه‌ین، سه‌رئه‌نجاما دوماهیكی پرسا سه‌ره‌كی تێ ژبیر كرن ژبه‌ر هه‌ولدانا مه‌ بو تێكه‌لرنا وێ پرسێ لگه‌ل بابه‌تێن جودا، له‌وما دبیته‌ گێلما گاڤینا و بمن كه‌س مفای ژێ نابینیت…

پتر به‌رچاڤ بكه‌
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close