نێرین

ژ فەتوایێن مەلایان تا خەنجەرێن دەروێشا

عەگید سەليم

ئایین ئەفیونێ گەلانە ،ئایین وەل مروڤی دکەت مروڤ باوەریێ بخو نەبیت و ئامادەبیت بوو تەسلیمبوونێ یان ئایین وەک ئایدولوژیا داھێنەرێ چینا سەردەستانە بوو پتر گەمژەکرنا جڤاکی و ئایین فەلسەفا وان کوێلانە یێن نەوێرن ژیانێ وەک بھایەک خوەسەر ھەمبێز بکەن .
ئەڤ تێگەھشتنا بەشەک ژ فەیلەسوفێن روژئاڤایی بوو ئایینی ژ ڤالاتیێ دروست نەبوویە ،روژئاڤا تا کو ژبن سیبەرو دوزەخا زەلامێن ئایینی و زیندان و سەردەستی و تاریاتیا کەنیسێ دا قورتال بووی د چوار چوڤێ پروسەیەک دیرو درێژو دەریایەک خوینێ و خەباتەکا ھەمەلایەنیدا دەرباز بوو .
ل چەرخێ بیست و ئێکێ و ژ ،فەتوایێن بەشەک ژ مەلایان تایبەت یێن کورد تا کاروان و کەرنەڤالێ دوروێشان و بەزاندنا سنوران ب بڤرو داس و شەمشیران ،دەرحەق ب پرس و مژارێن گرێدای نەتەوەو نیشتیمانی و ئازادی و تێگەھشتنا پەیام و جەوھەرێ ئایینی .مروڤ و جڤاک و دەستەلاتا کوردی د ئێختە بەردەم ھندەک پرس و پەیامێن گرنگ و بنگەھین .
١- ھێشتا باوەشا ڤی جڤاکی پرە ژ ھێزا تاریاتیێ،ئەو تاریاتیا وەک ھێزەک پەنھان و نخافتی دبیت د ساتەک ژ ساتان ھەمی ئەو ئازادی و نرخێن کو ب دەھان سالە ب دەستکەفتین مینا کوفر و زێدەھی و بیدعه بھێنە ژناڤبرن !
٢-مروڤ و ئازادی ب مخابنیڤە د فەلسەفەو ئایدولەژیا ئایینی دا نە بووینە تەوەر ،کەنگی دێ ئولدارێ مە تێگەھیت خوین و لەش و ژیانا مروڤی ژ ھەر تشتەکی ب بھاترە و پیروزترە و دین و ئایدولوژیا دڤێت د خزمەتا ڤێ راستی و ستراتیژێ دا بیت .
٣-ئایین وەک ھێزەکا سیحری ب دەستێ داگیرکەران ،سەیرە تو لبن سیبەرا رژئمەک داگیرکەردا بژی و ژبەر رەوشا نالەبارا ژیانێ مروڤێ کورد کولبەری ژی ب دەست نەکەڤیت و برس ببیتە ھەرەشەک مەزن لێ ئەڤ رەوشە ھیچ باندورەکێ ل سەر زاتێ تە نەکەت !لێ تو ب ساناھی سنوران ببەزینی و درەوشەک نالەبارا تەندروستیدا ببیە ژێدەرێ دونیایەک مەترسیێ بوو خەلکی،ئەڤ ترسنوکی و نیفاقەک مەزنا دینیە و بتنێ ئارمانج ژێ نیشاندانا جڤاکێ کوردیە ب جیھانێ ب جڤاکەک رجعی و پاشکەفتی .
٣- تێکست و تێگەگێن دینی دڤێت ب فیلتەرێن خومالیکرنێ و کوردبوونێ دا بھێتە دەربازکرن وەک کوردەک موسولمان من باوەرە ئایینێ ئیسلامێ نە فاکتەرێ بن دەستی و کوێلەکرنا مروڤانە ،ئەگەر د قوناغێن چویدا ئەڤ یەکە ھاتبا ئەنجام دان ھیچ کوردەکێ ئەڤرو جورعەت نەدکر لاڤا و پەسنا ئەردوگانی بکەت چنکی کەنیسەک کرییە مزگەفت ددەمەکیدا کو ب فەرمانێن وی گەنج و زاروکێن مە ژبەر کوردبوونێ تێنە شەھیدکرن ژبەر سیاسەت و بریارێن وی و ئەو بکوژێ سەرەکیێ پرانیا کوردێن موسولمانە .
ل دوماھیێ گەر ئاستێ ھوشمەندی و تێگەھشتنا مە بوو ئایینی یا بەری ب دەھان سالان بیت ،ب بووچونا من ھەر دەستکەفتیەک مەدەنی و دیموکراسی و ھەر کانتون و فیدرالی و قەوارەک سەربخو دێ لبن فەتوایا بەشەک ب ناڤ مەلایان ئان ژی دناڤ خەنجەرو داس و بڤرێن دەروێشان دا دێ وێران و پرت پرت بیتن !

پتر به‌رچاڤ بكه‌
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close