نێرین

ئیسلاما سیاسی


ئەحمەدبالایی
بابەتێ ئیسلاماسیاسی دوو
بوچوونێن هەین، هژمارەک زانایێن ئیسلامی مینا حسن بنا وسیدقوطب ویوسف قرضاوی
دبێژن: هەر لگەل پەیدابوون ئاینێ ئیسلامێ لگرئاڤاعەرەبی ئیسلام سیاسی بوویە، محمد پێخەمبەر کەسەک سیاسی بوویە، قورئان دەستوروشیعارێ ئیسلامێ بوویە، ئیسلام یانی سیاسەت، هێز، ئابووری، پەیوەندی، دبلوماسیەت، جڤاکی، کەلتوری و…) حسن بنا دبێژیت: ئەگەر دینێ ئیسلامێ ژسیاسەتێ قوتبو ئەو نابیت دینێ ئیسلامێ دێ بیتە دینەک دی مینا دینێ بوزی،کونفوشوسی و…) دیسان حسن بن دبێژیت: دما محمد پێخەمبەری دەولەتاخوە ل مەدینێ راگەیاندی ئەودەولەتا دام ودەزگەهێن سیاسی ئابووری و لەشکری بوویە مینا پەیوندیێن ئابووری سیاسی،جڤاکی و…لگەل جوهیان ومەسیحیان هەبوون، لەومان ئیسلام سیاسەتە وسیاسەت ئیسلامە چ گۆمان تێدانینە،ئەو کەسێن دینی وسیاسەتێ ژێک جودابکەت ئەو چ ژئاینێ ئیسلامێ نزانیت. هژمارەک دی ژزانایێن ئیسلامێ مینا محمد عبدە،جمال الدین الافغانی،رشید رضا و…) دبێژن: نابیت دینێ ئیسلامێ تێکەلی سیاسەتێ بکەن، ژبەرکو دین پەیوەندیەک راستەخوویە دناڤبەرا مرۆڤی وخودێ دا، لێ سیاسەت خاپاندن وحیلە ودرەو بەرژوەندیە کو ئەوفاکتەر هەمی ل دژی ئاینێ ئیسلامێ یە، محمد عبدە وسان دوژمنێ سیاسەتێ بوویە کو گوتاراوی یالدژی سیاسەتێ یاناڤدرە دەما دبێژیت: هەرتشتێ سیاسی وپەیوەندی بسیاسەتێ ڤەهەبیت وهەرتشتێ ناڤێ سیاسەتێ
ل سەربیت ئەز نەفرەت دکەم، ژبەرکو هەرجڤاکا
سیاسەت کەتە دناڤدا دێ وی جهی هەرمییت وخەلکێ وی فەسدینن وفاسق کەن،محمد عبدە کەسەک تورکمەنە بوگەشتەکێ چووبو ئورۆپا دبێژیت: من ل ئورۆپا ئیسلاما درست دیت، لێ من چ موسلمان نەدیتن، ناڤبری دبێژیت: ئەز هاتم رۆژهەلاتاناڤین من موسلمان دیتن لێ ئیسلامادرست من نەدیت.جمال الدین الافغانی دبێژیت: کار وکریارێن خراب یێن هن موسلمانان باندۆرەک نێگەتیف لجیهانا ئیسلامێ کریە کو هەیا کەهەشتیە وێ رادێ خەلکێن نەموسلمان دبێژن، قورئان کتابا خوینێ یە. دیسان ناڤبری دبێژیت: ئەگەر ئەم بخازین روویێ ئیسلامێ درست نیشا خەلکێ بدەین دڤێت ئەم چاڤ لجڤاکێن ئورۆپی بکەین دا دینێ خوە بدرستی ناس بکەین، نها لجیهانائیسلامی بازرگانیەک مەزن ب بناڤێ ئیسلاماسیاسی دکەن،نها ژێدرێن هەرەمەزن یێن ئابووری وبازرگانی د دەست پارت ورێخراو گورۆپێن ئیسلاماسیاسی دانە، دینێ ئیسلامێ ژبوونا بەرژوەندیێن خویێن نەتەوەیی وحیزبی ورەگەسپەرستی بکار دئینن وبناڤێ ئیسلامێ مللەتێن بێ دەسەهەلات دچەوسینن ونرخێن وان یێن مرۆڤایەتی ونەتەوەیی دپەرچقینن، مینا رژێما بەعس بناڤێ ئایەتا انفال لدژی خەلکێ سڤیل یێ کورد بکارئینان وبسەدان هزارکەسێن بێ تاوان بناڤێ سورەتەکێ قورئانێ ژناڤبرن، امام خومینی بناڤێ سورەتێ نصرمن اللە وفتح قریب لدژی کوردێن رۆژهەلات بکارئینا کو بهزاران خەلکێ مەدەنی بوونە قوربانی، هەروەسان ئەردوغانێ ئیخوانچی سورەتێ فتح لدژی خەلکێ باژێرەک ئاشتیخاز عفرینێ بکارئینا بهزاران خەلکێ سڤیل بناڤێ سورەتێ فتح بنگورکرن، لەوما نها پڕانیا ڤان حیزب ورێخراوێن بناڤێ ئیسلامێ هاتینە دامەزراندن ژرێبازا ئیسلامێ دەرچوونە دین کریە متایەک ئەرزان بو بەرژوەندیێن خوە بکاردئینن.

پتر به‌رچاڤ بكه‌
ڤێژی ب بینه‌
Close
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close