دیاکو خاتون
دەستبرن بوو گوهارتنێ باجەکا دژوارا هەی تایبەت ئەگەر بابەتێ ژنێ بیت یان ئۆلی بیت یان داخوازا یەکسانیێ بیت و تایبەت ئەگەر ئەو کەس ژی ڕەگەزێ مێ بیت، دڤێت ئەو کەس خوە بوو قوڕبانی دانێ ئامادە بکەت ئازادانە و زیرەکانە دژی تاڕیاتیێ راوەستیت، گۆتارا ب ناڤێ (حیجاب مە نا پارێزیت ئەی ژن) ئەوا بوویە جهێ ئازراندنا چەندین خەلکی و ب چیر و بەرسڤێن زڤر و دوور ژ چاندا کوردان بەرسڤ هاتینە دان. بابەت ئالییەکی (راپێچان، دەست درێژی،مافێ ژن)ێ تێدایە و کێم کەس دکارن ب وێرەکی خوە لێ بکەنە خوەدان کێم خەلک دکارن ڤی بابەتی وەربگرن، لێ هێلان شیایە ب راستگۆیی ڤی بابەتی بدەتە خویاکرن.
ئەگەر ئەم دچاڤێ دیرۆکێ بنێرین حیجاب ڤەدگەریت بوو دەما کۆلاتیێ، یەهوودیان ژ وان وەرگرتییە و پاشی مەسیحیەتێ پەیرەو کرییە و پاشی ئیسلامێ. کو پەیوەندییەکا چاندی هەیە زێدەتر ژ ئۆلی، پاش هاتنا ئیسلامێ گەهشتییە مە و بورینا دەمی بوویە سەمبۆلێ خوە پاراستن و رەوشتی، لێ دناڤ کوردان دا مینا ڕیچ خویا دکەت”ژنێن کورد دبێ خیلی بوون و تەکەز دکەت مە نەدیتن چ ژنێن کورد خوە ب راپێچن خوە مینا ژنێن عەرەبان ژی خوە نە د ڕاپێچن و د ئالیێ رەوشتی دا من ژن مینا ژنێن کورد ل چ جهان نەدیتینە، هەلبەت جورەکێ تایبەتێ کوڵاڤێن وان هەبوون دکرنە بەرخوە”.
ژ ئالییەکێ دیڤە دکتورە نەوال سەعداوی دەربارەی حیجابێ خویا دکەت” ئەز دژی ڕویسکرنێ مە دەما لەشێ خوە نمایش دکەن و ئەز دژی وێ یەکێ مە ئێک خوە ڕاپێچیت چونکی هەمان تشتە و ئێک نامەیە، چونکی دەما لەشێ خوە ڕویس دکەم ئەز تەنێ لەشم كالامە بوو مێری و دهێمە نمایشکرن، دەما خوە د ڕاپێچم دبێژم ئەز لەشم و دڤێت بهێتە ڕاپێچان، حیجاب سەمبۆلەکێ ترسناکە بوو کۆلاتیا ژنێ و ژن لەشەکە یێ بێ مێشک، چونکی حیجاب دەما کۆلاتیێ بەری یەهوودییەتێ هاتییە و پەیوەندی ب ئۆلان ڤە نینە سیستەمەکێ کۆلاتییە، مێر سالارییە بوو بندەستکرنا ژنێ و ب تەنێ ل سەر ژنێ دهێتە جیبەجێکرن”.
ئەرێ چما ل سەر مێری ناهێتە جێبەجێکرن؟
خویایە چاندا عەرەبی ب هەمی ئاوایان داکەتییە دناڤ مەدا ئەگەر ئەم ل بەرسڤێن ڤی پۆستی بنێرین دێ چەندین بەرسڤێن شەرمزار و چیرێن نەجوان بینین ئەڤە بخوە ژی چاندەکە ژ عەرەبان گەهشتییە مە کا چاوان زمان و ئۆلێ وان گەهشتییە مە و ئەم داگیرکرینە. ئەڤ بخوە ژی خویا دکەت مە ناسناما خوە ژبیرکرییە، کەواتا وەکی هێلان بانویێ گووتی “هۆشمەندی و هشیاری تە د پارێزیت نە حیجاب”. ئەڤە تەکەزێ ل سەر هندێ دکەت کو حیجابێ کاریە وەسا ل خەلکی بکەت سەرا وێ پارچەیا پاتەی ب چیر و بەرسڤێن نەجوان پارێزگاریێ لێ بکەن ئەڤ ژی بخوە ڕاستی هۆشمەندیا وانە.
