وەزارەتا نافخویا هەرێمێ رونکرنەك دەربارێ دەنگویێ رادەستکرنا دالیا محمود موسلم ژ ئالیێ هەرێمێ بو تورکیا بەلاڤ کر،د رونکرنێدا هاتیە، بلا پەکەکە و ئالیێن گرێدای پرسێ ژ خوە بکەن، بوچی هندە گەریلا و شەرڤانێن وان خوە تەسلیم دکەن؟ هەروەها ئاماژە کریە دالیا محمود، یا بەرنیاس ڤیان شەرڤان، پشت کو دەست ژ رێزێن یەپەژێ د ئینیت، دگەل چەکدارەکێ خەلکێ بدلیسا باکورێ کوردستانێ یە د ناڤا هێزێن، یەپەگێ، دابویە ب ناڤێ سەلام رەمەزان، یێ بەرنیاس ب کەندال،هەردوو ئالیا پەیوەندیەکا دلداری دگەل ئێك هەبویە، پشتی هنگێ ب حەزا خوە سەلام، ل روژا 9ی ڤێ مەهێ ب رێیا قاچاخ قەستا تورکیا دکەت، ل روژا 14 ڤێ مەهێ ژی دالیا محمود موسلم ، ب رێیا قاچاخ دیڤدا چیت و ل مێرسینێ تێتە دەستەسەرکرن، هەمی هەوال و گوتن چاواشەکارینە و دیرن ژ راستیێ کو حکومەتا هەرێمێ دالیا رادەستی تورکیا کربیت.
