لسەر دیوارێن مزگەفتا ئەیجن ل باشورێ رۆژئاڤایێ فەڕەنسا کۆمەکا نیشانێن نەجوان ب ڕەنگێ سور ھاتنە کێشان ، لدور وێ یەکێ ژی، وەزیرێ نافخۆیێ فەڕەنسا دبێژیت، ” ئەڤ کریار جھێ قەبیلکرنێ نینە”.
جیرالد دارمانان وەزیرێ نافخۆیێ فەرەنسا تویتەک بەلاڤکریە و تێدا ھاتیە، ” ئەو دەربرینێن لسەر مزگەفتا ئەیجن ھاتنە نڤیسین جھێ قەبیلکرنێ نینە”، دبێژیت ژی، ” ئەڤ کارێ نەپەسەند بەرھەنگاربوونا بھایێن گشتیە”.
عەبدولا زیکری سەرۆکێ رۆانگەھا فەڕەنسا لدژی ئیسلامۆفۆبیا ڕاگەھاند، ئەڤ وێنە کۆ پێنج رۆژان بەریا جەژنا قوربان لسەر دیوارێن مزگەفتێ ھاتنە کێشان ، بێرێزیە ھەمبەر وەلاتیێن موسلمانێن ئەیجن یێن فەرەنسی “.
د نھا دا دەستھەلاتدارێن فەرەنسا ڤەکۆلینێ لسەر بوویەرێ دکەن و کامیرێن پشکنینێ دپشکنن بۆ دیتنا وان کەسێن ئەو کار کرین.
