نێرین

خێرێن ل کوردستانێ،بخێرترن ل عەربستانێ

Warning: Attempt to read property "user_email" on bool in /customers/8/e/7/malame.info/httpd.www/wp-content/themes/jannah/framework/functions/post-functions.php on line 580 Warning: Attempt to read property "ID" on bool in /customers/8/e/7/malame.info/httpd.www/wp-content/themes/jannah/framework/functions/post-functions.php on line 593

ل ئيسلامێ دا بەربەلاڤە (والاقربون اولى بالمعرف) ئانكو خێركرن و دانا خێرا دگەل كەس و كارێن نێزيك بخێرترە ژ پێشكێشكرنا خێر و بێرێن ل دوير دھێنەكرن، ھەروەھا گەلەك ئايەتێن قورئانێ ژى داكوكى ل سەر خێركرنا دگەل كەس و كارێن نێزيكترين دا ھاتيە مينا ئايەت الاسراء 26، ئايەت ڕوم 38 وھتد.
ھەر ئێك دشێتن پرسيار بكەت. ئەرێ ھەكە تو ئەڤ سالە چوبايە حەجێ دا چەند پارەيان خەرچكەى؟ ژبيرنەكە دايى بابێن كوردێن موسلمان دبێژن (خێرا تە ب حەجەكێ يە) ئێدى ژبوونا وێ ئێكێ كو ئەڤ سالە ژبەر ڤايروسێ كۆڕۆنايێ حەجكرن نينە. لەو دبينم ئەو پارێ مرۆڤ دا ل ڕێيا حەج و عومركرنێ دا خەرج كەت، بلا ئەڤرۆ ئەوى پارەى وەكى خێر دگەل نێزيكترين و ھەژارترين كەس و كارێن وەلاتێ خوەدا بكەت.
خوە وەزارەتا ئەوقافا كار و بارێن ئيسلامێ ژى دبينم كو پێويستە؛ ل سەر مينبەرێن مزگەفتان، دام و دەزگەھێن ڕاگەھاندنێ، ئاماژە و ھشياريێ بدەنە وان حەجيێن ڕوى ل حەجێ دكەن، كو بەلێ د ڕێزا ئێكێدا خێر و بێرێن دگەل ھەڤسوو و ھەژارێن تەيێن نێزيك بخێرترن ل عەرەبستانا دوير!
لێ مخابن حەجيێن ل كوردستانێ سالانە ژبۆ حەجكرنێ ڕوويى ل عەربستانا سعوديێ دكەن، و ب بھايێ مليونەھا دولاران ل سەر چيايێ عەرەفێ قوربانيدانێ ب گيانەوەران دكەن، ھندەك حەجيێن كورد ب دەھان گيانەوەر ل وێرێ كرينە قوربانى، گەلەك كەسانێن دى ژى وەكى نەرێتەكا سالانە پارەيان دەنەڤ حەجيان داكو بۆ قوربانيا ل حەجێ بكەنە خێر و ھتد. ئەڤ ئێك ددەمەكيدا كو ئەم دزانين حەجكرن فرضە لدەف موسلمانان، ئێدى لگور قەول و ئايەتێن ناڤبرى خێر و بێرێن دگەل ھەژارترين و نێزيكترين بخێرترن ل خێر و بێرێن دوير.
ژ ئاليەك دن ھەكە ئەم ل سەر مەرجێن گرێدايى چوونا حەجێ ژى بچين باشە! ژبيرنەكەين، كەسانێن دڤێتن بچينە حەجێ پێويستە؛ ژێدەرێ داھاتيێ وى/وێ يێ حەلال بيت، كچ و كۆرێن شووييا نەبن، كارتێكرنێن لاوازيا ئابورى ل سەر مالا وان نەبيت، ئەڤجار بچيتە حەجێ و دەما دچيتە حەجێ ژى خێر و بێرێن خوە ھەميان دگەل نێزيكترين و ھەژارترين مرۆڤێن ل وەلاتێ خوە بكەت.
ل گور گوتنە چاكييا ل سەريدا و ئاياتێن ناڤبرى ھاتيە دارێژتن، ھەكە ئەو خێرێن ل عەرەبستانا سعوديێ دھێنەكرن دگەل ھەژار و پەنابەر و خێزانێن شەھيدێن كوردستانێ كربانە، ھەلبەت دا بخێرتربيت ل خێركرنێن وێرێ.
بۆزانين: سعوديا عەرەبستانێ ژى ب وان خێرێن سالانە حەجيێن جيھانێ و ل وێرێ دكەن، ئەو ژى بھەمان خێر و قوربانيان، خێر و بێران ل سەر مللەتێن ھەژار دا بەلاڤ دكەن بتايبەت وەكى ھەرێما كوردستانێ كو ئيرۆ زێدە ھەژار و پەنابەر لێ د ئاكنجى نە.
بھەررەوش، ل كوردستانێ ھەرتشت ئيرۆ دناڤ دەستێن مەدا بوويە ڤايرۆس، بوويە ڤايرۆسەكێ ژاندار و ل سەر مەدا بەلاڤ بوويە، لێ ڤايرۆسێ ھەرى ژاندار نەك ڤايرۆسێ كۆڕۆنايێ يە، بەلكو ڤايرۆسێ نەزانينێ يە، نەزانين بخوە ژى ژێدەرێ سەرەكە يێ نەناسكرن و وێرانكرنێ يە.

دەمھات نورى

پتر به‌رچاڤ بكه‌
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close