كوردستانینووچه‌

شانده‌كێ ئه‌مریكی به‌ره‌ڤ قه‌ندیلێ چوویه‌ و باله‌فرێن جه‌نگی ژی چاڤدێریا وان دكه‌ن

ل پێده‌یا رۆژا ئێكشه‌مبی رێكه‌فتی 2/8/2020 هه‌تا نها بۆ ده‌مێ 8 ده‌مژمێرانه‌ باله‌فرێن جه‌نگیێن ئه‌مریكا ب شێوه‌یه‌كێ چر و نزم ب به‌رده‌وامی بسه‌ر ئه‌سمانێ ئیداره‌یا ڕاپه‌رین و بنارێ چیایێ قه‌ندیل دزڤرن.
ماڵپه‌رێ SNN به‌ڵاڤكریه‌،” نێزیكی پێنج باله‌فرێن جه‌نگیێن سوپایێ ئه‌مریكا بۆ ئێكه‌مین جاره‌ ب شێوه‌یه‌كێ نزم و بچری و به‌رده‌وامی لسه‌ر ئه‌سمانێ ئیداره‌یا راپه‌رین و بنارێ چیایێ قه‌ندیل دزڤرن”.
ل گوری زانیاریان ئه‌گه‌رێ فرین و زڤرینا وان باله‌فرێن ئه‌مریكی بۆ وێ چه‌ندێ ڤه‌دگه‌ریتن كو شانده‌كێ 12 كه‌سی ب چوار ترۆمبێلان سه‌ره‌دانا قه‌ندیل كریه‌ بۆ دانوستاندن دگه‌ل به‌رپرسێن په‌كه‌كێ دا و ئه‌و فرۆكه‌یه‌ چاڤدێریا سلامه‌تیا وی شاندێ ئه‌مریكی دكه‌ن.
هه‌ڤ ده‌م ژێده‌ره‌كێ تایبه‌تێ نێزیك ژ پارتا كرێكارێن كوردستانێ (په‌كه‌كه‌) ل قه‌ندیل ب ماڵپه‌رێ SNN راگه‌هاند: سپێده‌یا رۆژا ئێكشه‌مبی رێكه‌فتی 2/8/2020 شانده‌كێ مێهڤان سه‌ره‌دانا قه‌ندیلێ كریه‌ و ل دویڤ زانیاریان ئه‌و شانده‌، شانده‌كێ ئه‌مریكی بوویه‌ و ژ 12 كه‌سان پێكهاتینه‌ و ب چوار ترۆمبێلان به‌ره‌ڤ قه‌ندیلێ چووینه‌.

پتر به‌رچاڤ بكه‌
Back to top button
Close