یه‌كه‌ینه‌یێن به‌رخودانا شه‌نگال (یه‌به‌شه) د شه‌شه‌مین ساڵیادا كۆمكوژیا شنگالێ دا راگه‌هاندنه‌كێ به‌لاڤ دكه‌ت و تێدا ئاشكه‌را كریه ، كو نابیت چ ده‌مان ڕه‌نج و قوربانیدانا شه‌ڕڤانێن ئازادیێ بهێته ژبیر كرن ، چ جاران ژی نابیت ڕێ ب وان كه‌سێن خیانه‌ت كرین بهێته دان ل سه‌ر ئاخا شنگالێ بژین.
د وێ راگه‌هاندنا یه‌به‌شێ دا هاتیه : خۆ ب ڕێكخستن نه‌كرن و نه‌بوونا هێزا جه‌وهه‌ری و پشات گرێدان ب هێزێن دی ، هۆكاره‌كێ هێرشێن داعش بوو ، چونكه پ. د.ك كو دگووت ئه‌م دێ شنگالێ پارێزین ، ل ده‌مێ كاره‌ساتێ پشتا خۆ دا مه و ڕه‌ڤین.
یه‌به‌شه دبێژیت ژی : گه‌لێ مه نابیت ڕه‌نج و قوربانیدانا شه‌ڕڤانێن ئازادیێ ژبیر بكه‌ت ، چ جاران ژی نابیت ڕێ بده‌ته وان كه‌سێن خیانه‌ت كرین ل سه‌ر ئاخا شنگالێ بژین ، ئه‌و كه‌سێن ئه‌ڤرۆ دخوازن قوربانیدانان ڕه‌ش بكه‌ن ، و خۆ مینا خودانێن جڤاكێ ئێزدی نیشان د ده‌ن و بازرگانیێ ب وێ كۆم كوژیێ دكه‌ن ، ب ڤی ڕه‌نگی نه‌شێن رویێن خۆ سپی بكه‌ن.
