پەیڤدارێ وەزارەتا کارەبایا عێراقێ ڕاگەهاند، عێراقێ ٦٥۰ مێگاواتێن کارەبێ دێ ل تورکیا کریت، ژ وێ هەژمارێ ژی دێ ۲۰۰ مێگاوات بۆ باژارێن هەرێمێ بیت.
ئەحمەد موسا عەبادی پەیڤدارێ وەزارەتا کارەبایێ ب ئاژانسا نووچەیا عێراقێ ڕاگەهاند، ” عێراق بۆ بلندکرنا ئاستا دابینکرنا کارەبایێ و دەمژمێرێن پێدانا کارەبێ ، ٦٥۰ مێگاواتێن کارەبێ دێ ل تۆرکیا کریت”.
بەحسکریە ژی، ” وەزارەتا کارەبایێ لهەڤهاتن دگەل کۆمپانیا کارڵ یا تورکی کریە بۆ ئینانا نێزیکی ٤٥۰ مێگاواتێن کارەبێ ، کو ب ڕێیا ۆێستگەها خورمالە – کەرکوکێ کارەبایێ بۆ بەغدا و باژارێن ناڤهراست و باشور دابین دکەت”.
ئاماژەکر، ” ل وێستگەها کارەبایا موسل و ب ڕێیا هێلا سلۆپی – فایدایێ ، ۲۰۰ مێگاواتێن کارەبایێ دێ بۆ باژارێن هەرێمێ هێنە دابینکرن”.
ئاشکراکر ژی، ب سەدەما بلندبوونا پلەیێن گەرمایێ پێدانا کارەبایێ کێم بوویە و باندوور لسەر بەرهەمئینانا کارەبایێ کریە.
