کۆمپانیا فەیسبووکێ ب هێجەتا بەلاڤکرنا زانیاریێن نەڕاست دەرباری ڤایرۆسا کۆڕۆنایێ پۆستەکێ دۆنالد ترەمپ سەرۆکێ ئەمریکا ژێبر.
ئەڤرۆ پێنجشەمبێ، تۆرا جڤاکیا فەیسبووکێ ڤیدیۆیەکا دۆنالد ترەمپی ب هێجەتا بەلاڤکرنا زانیاریێن نەڕاست ل هەژمارا وییا تایبەت ژێبر.
هەڤدەم، یەک ژ بەرپرسێن فەیسبووکێ ب میدیایێن وەلاتێ خۆ ڕاگەهاندیە، ” وێ گرتەیا ڤیۆی کۆمەکا بانگەشێن نەڕاست دەربارەی کۆرۆنایێ تێدایە، ئەو ژی بەرۆڤاژی یاسایێن تۆرێن جڤاکیا وانە، کو رێ ب بەلاڤکرنا زانیاریێن نەڕاست دەربارەی کۆرنایێ نادەت”.
بەریا نها، دۆنالد ترەمپ سەرۆکێ ئەمریکا د هەڤدیتنەکا تیڤیێ دا ڕاگەهاند، زارۆک ژ توشبوون ب کۆرۆنایێ پاراستینە.
د دەمێ دەربازبووی ژی دا، تویتەرێ پۆستەکێ سەرۆکێ ئەمریکا دەربارەی زەلامەکێ ڕەشپیستێ ئەمریکی بلۆکر، ب هێجەتا وێیەکێ کو دگەل یاسایین تۆرێن جڤاکی دا یەکناگرن و دێ بیتە سەدەمێ بەلاڤکرنا توند و تیژیێ
