نێرین

گەشە پێدان و پەیوەندیا وێ ب ئازادیێ ڤە

گەشەپێدان و پەیوەندیا وێ ب ئازادیێ ڤە

سەردار هێتوتی

پەیوەندیەکا بهێز و کویر هەیە د ناڤبەرا ئازادیێن سەرەکی و گەشەپێدانا ئابووری ڤە، جڤاکەکێ ئازاد جڤاکەکێ گەشەکریە و د هەمان دەم دا ژی جڤاکەکێ گەشەکری جڤاکەکێ ئازادە، چونکی ئەگەر تاکێن هەر جڤاکەکێ گەشەکری ئازادی نەبیت نەدشیان بگەهنە گەشەپێدانەکا هەمی لایەنی و دەلیڤا وێ یەکێ ژی بۆ وان پەیدا نەدبوو کو جڤاکی بەرەڤ پێش ببەن لەوا دشێین بێژین ئازادی و گەشەپێدان تمامکەرێن جڤاکەکێ هشیارن.
گەشەپێدان دبیتە جهێ گرنگی پێدانا خەلکی ژ بەر کو ئەڤ یەکە ئازادیا تاکە کەسی فەراهەم دکەت ئەڤە ژ لایەکی و ژ لایەکێ دیتر ژی دبیتە ئەگەرێ وەرارا بەرهەمێ نافخۆ و بڵندبوونا ئەولەهیا جڤاکی و ئابووری و دابین کرنا پێدڤیێن پەروەردەهی و چاڤدێریا ساخلەمیێ و مافێ مرۆڤی و مافێ سیاسی و جڤاکی و دەربرینا ئازاد و باوەریێ و گەشەیا پیشەسازی و پێشکەفتنا تەکنولۆژیایێ و دگەل نویکرن و نیخازیا جڤاکی.
هەروەسا ئەو ئازادیا کو ب ڕێیا گەشەپێدانێ د ناڤا جڤاکان دا پەیدا دبیت ئابوورێ وەڵاتی بنەجهـ دکەت و دبیتە ئەگەرێ نەهێلانا هەژاریێ و دیکتاتوریەتێ و نەهێلانا قۆرخکاریێ و کێمکرن و نەهێلانا بێکاریێ.
لەورا د ڤێ بەرێخۆدانا کورت دا ئەو پەیوەندیا بهێزا د ناڤبەرا ئازادیێ و گەشەپێدانێ دا هەی ئایا ئابوورناس و کەسێن شەهرەزا دشێن بێژن خالا پێککەفتنا د ناڤبەرا ڤان هەر دوو پەیڤاندا ل هەرێما کوردستانێ ل سەر کێرڤی د کیژ خالێ دایە؟ ئایا دەلیڤا وەک هەڤیێ بۆ هەمی ئەندامێن خێزانا کوردستانی وەک ئێکن؟ ئایا گەشەپێدانا کوردستانێ بوویە ئەگەرێ بەرقەراریا ئازادیێ؟
بێگۆمان نە، هیچ ئێک ژ ڤان ل کوردستانێ نینە و هێزا گەشەپێدانێ یا ڵاواز نەشیایە ئازادیەکا دەست پێکی ژی پەیدا بکەت کو ئەڤە ژی بۆ شێوازێ ڕێڤەبرنا مە ڤەدگەریتن.

پتر به‌رچاڤ بكه‌
ڤێژی ب بینه‌
Close
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close