وەزارەتا دەرڤەیا عێراقێ ڕێپێدانا هاتنە ناڤا بەرپرسێن تورکیا ل هەموو دەرازینکێن سنوری و بالەفرخانەیان ڕاوەستاندنە، هەڤدەم، سەردانکرنا بەرپرسێن تورکیا بۆ عێراقێ هەلوەشاند.
ئەڤرۆ یەکشەمبیێ ئەحمەد سەحاف پەیڤدارێ فەرمیێ وەزارەتا دەرڤەیا عێراقێ ڕاگەهاند، وەزارەتا وان دوو جاران لسەر هەڤ بالیۆزێ تورکیا ل بەغدا گازیکریە و دوو یاداشتێن توند لسەر دەستدرێژیێن تورکیا بۆ سەر سەروەریا عێراقێ داینێ.
دیارکریە ژی، د یاداشتان دا داخواز ل حکومەتا تورکیا هاتیەکرن تۆهمەتبارێن دوژمنکاریێ ئاشکرا بکەت و لێپرسینێ دگەل دا بکەت.
ئەو یەک ژی دایەزانین، هەموو ولاتان لسەر هەردوو ئاستێن عەرەبی و ئەوروپی پشتەڤانیا خۆ بۆ هەلویستێ عێراقێ نیشاندانە و پشتەڤانیێ ژی لێ دکەن لسەر بەڕەڤانیکرن ژ یەکپارچەیا ئاخا وان.
ئەڤە ژی دەمەکێ دایە، ژبەر بۆمبەبارانێن بەردەوامێن ئاخا عێراقێ ژ ئالیێ ئارتێشا تورکیا ڤە، ئالۆزی کەفتیە د ناڤبەرا هەردوو ولاتان و تورکیا ژی لسەر ڕەفتارێن خۆ هێزێن چەکدارێن کوردی ب هێجەت دگریت.
