كوردستانینووچه‌

بالەفرێن تورکیا ب دژواری سنورێ ناحیا کانی ماسێ بۆمبەباران دکەن

نێزیکی دوو دەمژمێرانە بالەفرێن تورکیا بۆمبەبارانا سنورێ گوندێ بازێ و کانی مەزنێ ل دەڤەرا بەرواری بالا دکەن.

سەربەست سەبری، رێڤەبەرێ ناحیا کانی ماسێ ڕاگەهاند، هەر ژ دەمژمێر ١:٣٠ێ پشتی نیڤرۆیا ئەڤرۆ چارشەمبێ، ١٩ێ تەباخا ٢٠٢٠ێ، بالەفرێن تورکیا بۆمبەبارانا هەریەک ژ گوندێن بازێ و کانی مەزنێ دکەن و زیان ژی ب رەز وباغ و مالێن وەلاتیان گەهاندیە.

بەحسا وێیەکێ ژی کر، ئەگەرەکێ زۆر هەیە مەر و مالات و ئاژەلێن وەلاتیێن وی سنوری بەر بۆمبەبارانان بکەڤن و ترسەکا مەزن لسەر وان دەڤەران درۆست بوویە.

رێڤەبەرێ ناحیێ زەلالکر ژی، تنێ ئەڤرۆ چارشەمبێ پێنج جارن بالەفرێن تورکیا سنورێ وان گوندان بۆمبەباران دکەت.

بەریا نهاژی چەندین جاران گوندێ بازێ هاتیە بۆمبەبارانکرن و زیانێن زۆر ژی ب وەلاتیان و پروژێ ئاڤا گوندی و ڕەز و باخێن وان گەهاندیە.

پتر به‌رچاڤ بكه‌
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close