لگۆری زانیاریێن ناڤخۆیێن پارێزگەها حەسەکێ ل ڕۆژئاڤایێ کوردستانێ، هەژمارەک سەربازێن سعودیێ گەهشتنە بنگەهێ شەدادی ل وێ پارێزگەهێ، لێ نەهاتنە ژبۆ کو ل وان جهان بجهببن.
ژێدەران بەحسا وێ یەکێ کریە، هەژمارا وێ هێزا سعودی نێزیکی ٢٠ سەربازانە و ل بنگەهێ لەشکەریێن تاجی ل عێراقێ بەر ب سوریا ڤە چوونە.
هەروەسا دیارکرنە، ئەو هێزا سعودی دگەل کاروانەکێ سەربازیێ ئارتێشا ئەمریکا بەرێ خۆ داینە سوریا و ل وێرێ ژی چوونە پارێزگەها حەسەکێ.
دبێژن ژی، ئەو هێزا سعودی ب هەڤبەندی دگەل عەشیرەتێن عەرەبێن وان دەڤەران چووینە سوریا و پێشتر ژی ب هەمان ڕێک چووینە دەڤەرێن جودایێن سوریا.
