بڕیارەکا فرەنسا بۆ دانانا ناڤێ یەکینەیێن پارستنا گەل (یەپەگە) دناڤا سیستەمێ خاندنا وی وەڵاتی دا، تورکیا تورە دکەت.
فرەنسا ناڤێ یەکینەیێن پاراستنا گەل (یەپەگە) ئێخستە دناڤا پرۆگرامێ خاندنا مێژوو و جوگرافیایێ ل قوناغا دوماھیێ یا ئامادەیا وەڵاتێ خۆ دا، ل ھەمبەری ڤێ چەندێ ژی وەزارەتا بەرەڤانیا تورکیا رەخنەیێ ل حکومەتا فرەنسا دگریت بۆ وێ برَیارێ.
وەزارەتا دەرڤەیا تورکیا راگەھاند: ددەمێن بووری دا مە چەندین جاران ئاماژە ب وێ سیاسەتا خەلەتا فرەنسا کریە کو پێگیرە لسەر پشتەڤانیکرنا وێ رێکخراوا تیرۆریی، پەکەکە و یەپەگە دگەل کوردێن سوریا دئێخیتە ئێک لایێ تەرازیێ دا.
فرەنسا وانەیەک سەبارەت ب مێژوویا کورد و ئاریشەیێن کوردان ئێخستیە دناڤا پرۆگرامێ خاندنا پوڵا ١١ێ ل قوناغا ئامادەیێ، ئەو وانەیە د پەرتووکا مێژوو و جوگرافیایێ دا ب ناڤێ ” کورد نەتەوەکێ بێ دەولەت” دانایە.
