ئەڤرۆ ل سنورێ قەزا زاخۆ بسەدەما شورتا کارەبێ ل دوو کەمپێن جوودا ١٢ خیڤەتێن پەنابەرێن شنگالێ شەوتین.
کاروان زەکی بەرپرسێ راگەھاندنا رێڤەبەریا بەرسڤدانا قەیرانا ل دھوکی راگەهاند، ئەڤرۆ دمژمێر ٤ێ سپێدێ روژا چارشەمبی ٩ێ ئەیلۆنا ٢٠٢٠ێ بسەدەمێ شۆرتێ کارەبێ ئاگر ب کەمپا قادیا یا ئاوارێن شنگالێ ل سنورێ قەزا زاخۆ کەفت، ٢ خیڤەت شەوتینە.
دیار ژی کر، د هەر ئەڤرۆ دەمژمێر ٩ێ سپێدێ ب سەدەمێ شۆرتێ کارەبێ ئاگر ب کەمپا بێرسڤێ یا ئاوارێن شنگالێ ل ناحیا دەرکارێ ل سنورێ قەزا زاخۆ کەفت، ١٠ خیڤەت شەوتینە.
دیار ژی کر، تیمێن ئاگر ڤەمراندنی ھەر زی گەھشتنە جھێ ھەردوو بوویەران د دەمەکێ کورت دا کنترول کرن.
دازانین ژی، د ھەردوو بوویەران دا چ زەرەر و زیانین گیانی نەبوون بتنی یێن مادی بوون، و ھەر زی رێڤەبەریا بەرسڤدانا قەیران و کوچ و کوچبەران گەھشتینە جھێ بوویەرێ و خیڤەت و کەل و پەلین ناف مالی و کەرەستین خارنی لسەر زەرەر ڤێکەتیا پارڤەکرینە.
ئەڤە ژی د دەمەکێ دایە، روژا دووشەمبی ٧ێ ئەیلۆنا ٢٠٢٠ێ ب سەدەمێ شۆرتێ کارەبێ ئاگر ب کەمپا چەمشکۆ یا ئاوارێن شنگالێ ل قەزا زاخۆ کەفت و ١٠ خیڤەت شەوتین.
