وەزارەتا دەرڤەیا دانیمارک ڕاگەهاند، ولاتێ وان ڤان نێزیکان دێ بالیۆزخانەیا خۆ ل بەغدا ڤەکەت
وەزارەتا دەرڤەیا دانیمارک د ڕاگەهاندنەکێ دا بەلاڤکر، ڤەکرنا بالیۆزخانەیا دانیمارک ل بەغدا ئاماژەیە بۆ جیبجیکرنا وێ پەیمانا کو وان لهەمبەر شکاندنا ڕێکخراوا داعشێ دای، دیارکریە ژی، “وێ ڕێکخراوێ بۆ داهاتی مەترسی لسەر ئەوروپا نینە”.
دانیمارک یەکە ژ وان ولاتێن ئەندام د هەڤپەیمانیا دژی داعشێ دا ب سەرۆکاتیا ئەمریکا، کو پشتەڤانیا عێراقێ دکەن، زێدەباری کو هەژمارەک سەربازێن دانیمارک ژی ل عێراقێ هەنە و د ناڤ هەڤپەیمانیێ دا خودان ڕوولن.
هەڤدەم، ل مەها کانونا داهاتی حکومەتا دانیمارک دێ سەرپەرشتیا ئەرکێ مەشقپێکرنا هێزێن عێراقی ژ ئالیێ ناتۆیێ ڤە وەرگریت.
