وەزارەتا ساخلەمییا دەست ب دابەشكرنا ڤاكسینێً دژی ڤایرۆسێ كۆرۆنا كر كو ناڤێً وی ڤاكسینی كریە سپۆتنیك.
ئەڤرۆ رۆژا شەمبی وەزارەتا ساخلەمییا رۆسیا راگەهاند كو دەست ب دابەشكرنا ئێكەم پشكا ڤاكسینێ سپۆتنیك یێ دژی ڤایرۆسێ كۆرۆنا كریە و ئەو دەرمان ب سەر هەرێمێن وی وەلاتی دا هاتینە دابەش كرن.
وێ وەزارەتێ دیار كر، ل دەمێ دابەشكرنێ دێ رێكار و چەوانییا ب كارئینانا وی دەرمانی ژی بەلاڤ كەین داكو وەلاتی بشێن ب باشترین ئاوا مفای ژێ وەرگرن.
هەروەكی دهێتە زانین، ل رۆژا 11 ی هەیڤا بۆری وەزارەتا ساخلەمییا رۆسیا ئێكەم ڤاكسینێ دژی ڤایرۆسێ كۆرۆنا تاقی كربوو و ناڤێ وی كربووو (سپۆتنیك ڤی).
ئەو ڤاكسین ژ لایێ بسپۆرێن سەنتەرێً گامالیا و ب پشتەڤانییا سندۆقا وەبەرهێنانا رۆسی هاتییە بەرهەم ئینان و ئەڤرۆ دەست ب دابەشكرنا وی دەرمانی هاتییە كرن.
