یەحیا ڕەسول پەیڤدارێ بناڤێ فەرماندێ گشتیێ هێزێن چەكدارێن عیراقێ ڕاگەهاند، سپێدەهیا ئەڤرۆ ڕۆژا سێشەمبی ئۆپڕاسیۆنەك بۆ ژناڤبرن و ڕامالینا پاشمایێن چەكدارێن ڕێكخستییا داعش ل دەڤەرا جزیرێ ل ڕۆژئاڤایێ عیراقێ دەست پێكر.
یەحیا ڕەسول گوت: هەر ئێك ژ فەرماندەیا ئۆپڕاسیۆنێن جزیرێ و فەرماندەیا ئۆپڕاسیۆنێن نەینەوا و سەلاحەدین بەشداری د وێ هەڵمەتا سەربازیدا كرییە و ب سەرپەرشتییا فەرماندەیا هێزێن پەیادە لژێر ناڤێ (ئۆپراسیۆنا شێرێن جزیرێ ژمارە ئێك) دهێتە ئەنجامدان، و د وێ كریارێدا دێ دیڤچوون و ڕامالینا پاشمایێن وێ ڕێكخستییا تیرۆری هێتەكرن.
