تە رۆژنامێن ئەڤرۆ خواندینە؟
رۆژنامێن لوبنانى
رۆژنامێن عیراقى
رۆژنامێن مصرى
هەمى یێ یاریا ب (حافز) دکەن
دبێژن (ئێلى) سوریا رەزیلکر
ئەو دێ هەر کوژن
ژ زاردەڤێ نادیایێ هەڤژینا ئێلى کوهن بو راهێنەرێ ئێلى.
پشتى کو ئێلى کوهن ل دەمێ بکارئینانا بێتەلاندا دهێتە گرتن. و حوکمێ سێدارەدانێ بو دەردکەڤیت.
ئێلى کوهن ئێک ژ مەزنترین سیخور د مێژویا عەرەبى و دەزگەهێ هەوالگیریا ئیسرائیلیدا (مۆساد) ئەو سیخورێ کو شیایى جهەکێ مەزن دناڤ دەستهەلاتا (ئەمین الحافز) بدەستڤە بینیت ب ناڤێ (کامیل ئەمین ثابت) و بو ماوێ نێزیکى دەهـ سالان سیخوریەکا بهێز بکەت بو وەلاتێ ئیسرائیل و ل داویێ حکومەتا سورى توشى رەزالەتەکا مێژویى دکەت.
ددەنگوباسێ ئێلى کوهن پشتى دەستەسەرکرنێ د میدیایێن جیهانیدا ب ڤى شێوەیى بەلاڤبوو:
(ئێلى کوهن ل سوریا ناڤدار بوو ب کامیل ئەمین ثابت, پەیوەندیەکا گرنگ دروستکربوو دگەل بەرپرسێن مەزن یێن سەربازى یێن سوریێ, حەتا هەڤالێ نێزیکێ سەروکى بوو, و راوێژکارێ سەرۆکێ سوریا ئەمین الحافز بوو. جاک مێرسیەر کو ئێک ژ پارێزەرێن فرەنسی یێن مافێ مرۆڤیە داخازا لێبورینێ بو ئێلى بلندکریە. شارەزایێن یاسایى دبێژن ئەگەرێ لێبورینێ بو ئێلى حەتا سفر مەحالە)
ل 18 شوباتا 1965 ئێلى ل جهەکێ گشتى و ل مەیدانا مەرجەع ل دیمەشقێ
هاتە سێدارەدان, لەشێ وى بۆ ماوێ شەش دەمژمێران ما هەلاویستى
تەرمێ ئێلى نەداف ئیسرائیل حەتا ئەڤرۆژى پتر ژ 54 سالێن مرنا وى سوری رەت دکەن کو پاشماوێن تەرمێ وى بدەنەڤ خێزانا ئێلى و هەتا ڤى دەمێ نوکە هەڤژینا ئێلى شى نەکریە و سەرکردایەتیا کەمپینەکێ دکەت بوو ڤەگەراندنا تەرمێ ئێلى بۆ ئیسرائیل
د تەمەنێ 13 سالیێدا د گۆڤارا (Eye spy) دا من گوتارەک دەربارەى ژیانا ئێلى کوهن خواند پشتى ب دوماهیک هاتنا گوتارێ من گۆت ئەڤ گوتار 90% خەیالە و 10% راستى, پشتى چەندین ڤەکولینان ئەز شیام باوەرکەم کو ئێلى کوهن ئێک ژ مەزنترین سیخورێ ئیسرائیلە د مێژوویێ دا
دراما سیخور ژ دروستکرنا
گیدیەن ڕاف
چیرۆکەکا وەرگرتى ژ پەرتوکا (ئەو سیخورێ کو خەلکێ ئیسرائیل بوو)
ژ نڤیسینا یورى دان و یێشانیاهۆ بێن پۆرات
ژ هەژى گوتنێیە کو ئەڤ درامایە ب ئێک ژ بەرهەمێن رەسەن یێن کومپانیا (نیت فلیکس) یا جیهانى دهێتە هەژمارتن.
بەرهەڤکرن:رامین سەردار.
