نێرین

بابە شێخ قیما خلودێ

کەڤوکا ئاشتیا ژینێ
دەفتەرا تەڤ بیرەوەریا
لێبوردەیێ خەم رەڤین
سمبولا ب هەڤرا ژیانێ
بابێ هاخام و پاپان
بابە شێخ ژ کەرەما خوە
تاجا سەر سەرێ رەحمێ
بانگ ریحلەت هەلنەدێری
توی گەوهەرێ عافیەتا مەی
سمبولا ڤێ قەدەرێ قادری
یارەبی توی هەر هەبی
مسلێ زاتێ ئەبتەری
ئەم ب ئیسرایا تە هاتین
دا تو میعراجێ نەکەی
تو بو مە ب خوازە هەداری
ئاڤریا چاڤێن نەدار هەر توی
حسن و جەمالا تە نوهرەیە
قەلبێ تەڤ پیر و مریدان
روحا فیدایێ وی زاتێ ئەزەلی
ڤەگەرە ل وێ غوربەتێ
تو مە خەم باران نەکە
زات خزمەت کارێ تەیە
خودێ دسیمایێ تەرا
هەر مینا دێمێ تەیە
نانێ گەرمێ هیڤییا
یا ل تە دهێت بێهنا ژیانێ
شاترڤانێ رومەتا عەرشێ خودێ
شەوقا گوریا ئاکرێ پیروز توی
گەر خودێ یارێ مەبیت
تاوسێ قاسد مەلەک قودرەتی
هەر تم مێهڤانێ تە بیت
خەرقەیێ پوشیدەیێ تە
چارا قودسا کەرامێ
بێ پەردە کا دێ وەرە
حاشیا باری تەعالا
دەر ل عەسمانی ڤەبون
بەندا هاتنا کەرەما زاتێ تەیە
کرمانج هریکی ( پیر خدر)
1/ 10/ 2020 Berlin

پتر به‌رچاڤ بكه‌
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close