وەزیرێ دەرڤەیێ ئەمریکا ڕاگەهاند، شاندنا گرۆپێن چەکدار ژ ئالیێ تورکیا ڤە بۆ دەڤەرا غەرەباخ و دەستڤەدان د شەڕێ ناڤبەرا هەریەک ژ وەلاتێن ئازرباینجان و ئەرمینا دێ ڕەوشێ ئالۆزتر کەت.
مایک پۆمپیۆ، وەزیرێ دەرڤەیێ ئەمریکا ب رۆژنامەڤانان ڕاگەهاند، ” مەدیت تورکیا چەکداریێن سوری بۆ لیبیا شاندن و ب وێیەکێ ژی ڕەوش ئالۆزتر بوو، هەڤدەم، بوویە سەدەمێ ململانێ و شەڕێ زێدەتر و تێکدانا ئەولەهیا ئاشتیێ”.
بەحسا وێیەکێ ژی کر،” ب نێرینا من شاندنا چەکداران بۆ دەڤەرا بۆ ناگۆرنۆ – قەرەباخ دەستڤەدان د شەڕێ ناڤبەرا هەریەک ژ وەلاتێن ئازرباینجان و ئەرمینا دێ ڕەوشێ ئالۆزتر کەت و دێ بیتە سەدەمێ درۆسترنا شەڕێ زێدەتر”.
ئەڤەژی د دەمەکێ دایە، هەریەک ژ وەلاتێن تورکیا و ئازرباینجان رەتکرن کو چ گرۆپەکێن چەکداری ژ ئالیێ تورکیاڤە هاتبنە شاندن بۆ دەڤەرا قەرەباخ.
دەمێ چەند رۆژانە شەڕ د ناڤبەرا سوپایێ ئەرمینیا و ئازرباینجان درۆستبوویە و هەردوو ئالی ژی بەحس ژ کۆشتنا دەهان سەربازێن خۆ دکەن ململانێن ناڤبەرا وان ژی لسەر چەند دەڤەرێن سینورییە کو هەردوو ئالی خۆ ب خودانێ وان دزانیت.
