وەزیرێ ساخلەمیێ ڕاگەهاند، هەیا نها بڕیار نەهاتیەدان بۆ ڕاگەهاندنا قەدەغەیا هاتن و چوونێ و بتنێ پێشنیارە بۆ وان هاتیە کرن.
سامان بەرزنجی وەزیرێ ساخلەمیا هەرێمێ د کۆنفرانسەکا ڕۆژنامەڤانی دا ڕاگەهاند، “هەیا نها ژ ئالیێ وەزارەتا مەڤە چ بڕیارەک نینە بۆ ڕاگەهاندنا قەدەغەیا هاتن و چوونێ ل هەرێما کوردستانێ، لێ پێشنیارەکا ل وی بابەتی بۆ وەزارەتا مە هاتیە بلندکرن و نرخاندنێ بۆ وێ پێشنیارێ دکەین”.
دیارکریە ژی، “هەیا نها دوو جاران ب مەرەما بەرهەنگاربوونا کۆرۆنایێ بودجە ژبۆ مە ل بەغدا هاتیە و جارا داویێ دوو ملیار دینار بوون”.
دوهی ساخلەمیا دهۆکێ ڕاگەهاند، کو ئەو داخواز دکەن هەری کێم بۆ دەما دوو حەفتیان یان مەهەکێ قەدەغەیا هاتن و چوونا گشتی بهێتە ڕاگەهاندن.
