پشتی نیڤرۆیا ئەڤرۆ یەکشەمبیێ ٤ێ جۆتمەها ٢٠٢٠ێ بەشیر کۆریا سەرمایەدار و کەساتیێ دیارێ ئێزدی ئەڤرۆ ژلایێ ژمارەکا کەسێن نەدیارڤە ل گوندێ بێبانێ یێ سەر ب ناوچەداریا ئەلقۆشێ ڤە ب گولەیان هاتە کوشتن.
دیارکر ژی، هەیا نها سەدەما کوشتنا وی دیار نینە و تەڕمێ وی بۆ نۆژداریا داد ل ئەلقۆش هاتیە ڤەگوهاستن ب مەرەما پشکنینێ، پۆلیسێن دەڤەرێ ژی پەڕەیێن ڤەکۆلینێ لسەر بوویەرێ ڤەکرنە و هەیا نها چ زەلاکرنەک نەدایە.
بەشیر کۆریا، د ناڤا جڤاکا ئێزدی دا ناڤەکێ دیارە ژبەر کارێن وی یێن خێرخوازی و ژ دەما دەستپێکا هاتنا داعش و هەیا نها ژی بەردەوام ب ڕێیا سازیێن تایبەت بخۆ هاریکاری بسەر ئاوارەیان پارڤەکرنە و چەندین پرۆژە بۆ خزمەتکرنا وان لێقەومیان ئەنجام دانە.
