پەیڤدارێ ھێزێن ھەڤپەیمانیا نێڤدەولەتی دبێژیت : ئەمریکا دێ دوو ھزار و ٢٠٠ سەربازێن خۆ ژ عیراقێ ڤەکێشیت
کۆلۆنیل واین مارتۆ پەیڤدارێ ھێزێن ھەڤپەیمانیا نێڤدەولەتی ڕاگەھاند ، کو ل داویا مەھا چریا ئێکێ یا ئیسال ، واشنتۆن د کەڤانێ ئەرکێن خۆ یێن سەربازی دا ل ناڤ ھەڤپەیمانیا نێڤدەولەتی یا دژی داعش ، دێ دوو ھزار و ٢٠٠ سەربازان ژ بنگەھێن سەربازیێن عیراقێ ڤەکێشیت و ھژمارا ھێزێن ژ ٥ ھزار و ٢٠٠ سەربازان دێ بۆ ٣ ھزار سەربازان کێم کەت.
کۆلۆنیل واین مارتۆ دبێژیت ژی : مانا وان ٣ ھزارسەربازێن ئەمریکا بەسە بۆ پشتەڤانیا عیراقێ د شەڕێ دژی داعش.
پەیڤدارێ ھێزێن ھەڤپەیمانیا نێڤدەولەتی خۆیا ژی کر ، کو ھەڤکاریا ھەواڵگیری و ڕاوێژکاریێن واشنتون ل گەل بەغدا دێ یا بەردەوام بیت بۆ ژناڤبرنا پاشمایێن داعش ل عیراقێ.
