ھێزێن جێھگیرکریێن سوپایێ تورکیا ل قەزا ئامێدیێ ، چووینە دناڤا گوندەکێ دا ل قەزا زاخۆ و ب دەھان کەس دەستەسەرکرینە.
میدیایێن عیراقی رادگەھینن: رۆژا پێنجشەمبی ھێزەکا سوپایێ تورکیا کو ژ ٢٠٠ سەبازان پێکھاتبوون ل بنەیەکێ سەربازیێ ل سنورێ پارێزگەھا دھۆکێ چەند گوند و ناحیێن سەر ب قەزا ئامێدیێ گەریایینە و پشکنینە و پاشان بسەر گوندێ رێسێ ل ناحیا باتیفا یا سەر ب قەزا زاخۆ دا گرتیە و پشکنین بۆ ١٥ ماڵان کریینە و ماڵێن وان شێواندینە و بێ سەرۆبەرکرینە.
میدیایێن عیراقی گوت ژی،” د وێ بسەرداگرتن و پشکنینان دا سوپایێ تورکیا ب دەھان کەس دەستەسەرکرینە و بەرەڤ جھەکێ نەدیار برینە”.
ئەڤرۆ ژی گۆڤارا فۆرن پۆلیسی یا ئەمریکی ل دویڤ داخویانیا بەرپرسەکێ تورکیا بەڵاڤکریە کو ئەنقەرە لبەرە ١٠ بنکێن سەربازیێن نوی ل دەڤەرێن ھەرێما کوردستانێ ب ھێجەتا پاراستنا سنوران دابمەزرینن.
