نێرین

ئه‌رێ کورد وبرایێت موسلمان دوژمنێن ئیکن؟!

وه‌کی یا خویایه‌ کوما برایێت موسلمان (الاخوان المسلمون) لسالا 1928ز لسه‌ر ده‌ستێ ئیمام حه‌سه‌ن به‌ننای (1906 ــــ 1949) هاتیه‌ دامه‌زراندن ( ماموستا ته‌حسین ئیبراهیم دوسکی دگوتاره‌کێ دا بناڤێ ئیخوان دته‌رازیێ دا وه‌سا خویا دکه‌ت که‌ هنده‌ک دبێژن ئیمام حه‌سه‌ن به‌ننا دبنیات دا کورده‌ به‌س نه‌ ژێده‌ره‌کێ باوه‌ر پێکریه‌ ). گه‌له‌ک خه‌م خورێ کێشێن ملله‌تێن ئیسلامی بوو لسه‌رانسه‌ری جیهانێ بێ جوداهی ژ که‌نداڤی هه‌تا زه‌ریای ژ به‌ر ڤێ گرنگیێ لسالێن جلاندا ده‌مێ حکومه‌تا عێراقێ هێرشێن دژوار وهوڤانه‌ دکرن سه‌ر شوره‌شگێرێن کوردا ل چیایێت کوردستانێ ئیمام حه‌سه‌ن به‌ننای نامه‌ک ئاراسته‌ی حکومه‌تا عێراقێ کر تێدا داخازێ حکومه‌تێ دکه‌ت ب دیتنه‌کا ئیسلامی لێرینێ بکه‌ن لدوزا کوردان وسته‌مێ لسه‌ر وان راکه‌ن جونکه‌ ئه‌و برایێت منه‌ یێت ئولی وهه‌روه‌سا ئاماژه‌ ب هندێ کر که‌ ملله‌تێ کورد ژ هه‌می گه‌لێن ئیسلامی دلسوزترن وخوه‌ راگرترن لسه‌ر ئیسلامێ وپشته‌ڤانن بو ئێکگرتنه‌کا ئیسلامی . ئه‌ڤ نامه‌ ب درێژی دگوڤارا (الاخوان المسلمین)دا لسالا 1944 هاتیه‌ به‌لاڤه‌کرن ، یا فه‌ره‌ بێژین ماموستا دکتور موحسن عبدالحمید سه‌روکێ پارتا ئیسلامیا عێراقی (یێ به‌ری نوکه‌ کو که‌سایه‌تیه‌کێ کورده‌) دبێژیت: من ب خوه‌ ئه‌ڤ نامه‌ خاندی یه‌ ، پشتی سازیێن کوما برایێت مسلمان گه‌هشتی عێراقێ ب رێکا شێخ مه‌حمود سه‌وافی خودێ ژێ رازی بیت هه‌ر وه‌کی هنده‌ک ژێده‌ر خویا دکه‌ن شێخ سه‌وافی په‌یوه‌ندیێن زور باش ودوستانه‌ هه‌بوون لگه‌ل سه‌رکردێ کورد مه‌لا موسته‌فا بارزانی، هه‌ر ژبه‌ر ڤێ دوستاتیێ رابیتا ئیسلامیا کوردی مزگه‌فته‌کا زور قه‌شه‌نگ ل هه‌ڤلێرا پایته‌خت بناڤێ مزگه‌فتا سه‌واف ئاڤاکری یه‌ پروفیسور دکتور عه‌لی قه‌ره‌داغی ئه‌مینداریێ گشتیێ ئێکه‌تیا زانایێت ئیسلامی ل جیهانێ ئه‌ڤ په‌یوه‌ندیا بارزانی وسه‌وافی ئینات زمان ده‌مێ مزگه‌فتا سه‌واف ڤه‌کری . لسالا 1966ز ده‌مێ جه‌مال عبدالناسری بریارا سێداره‌دانا هزرڤانێ ئیسلامی سه‌ید قوتبی دای ، زانا وناڤدارێن ئیسلامێ ئیمزا کومکرن ژ بو راوه‌ستاندنا ڤێ بریارێ ئێک ژ ڤان که‌سێن ئیمزا کری مه‌لا موسته‌فا بارزانی بوویه‌ . به‌لێ نوکه‌ نزانم بو جی ئه‌ندامێن پارتی وئێکه‌تی ولایه‌نگرێن وان دکه‌یف خوشن ب ئنقیلابا له‌شکه‌ری دژی موحمه‌د مورسی سه‌روکێ مسرێ ؟! ب هزاران ئه‌ندام لاینگرێن یه‌کگرتووی ئیسلامیی کوردستان هاتیه‌ زیندانکرن وئه‌شکه‌نجه‌دان ودوو جاران باره‌گایێن وان هاتینه‌ سوتن وتالانکرن وزێده‌باری شه‌هیدکرنا جه‌ند ئه‌ندامێن یه‌کگرتوو ، هیج جاره‌کێ ئیخوانا ئیدانا ڤان رویدانا نه‌ کریه‌ به‌لێ ده‌مێ باره‌گایێن پارتی وئێکه‌تی ل هه‌ڤلێرا پایته‌خت تووشی هێرشێن تیرورستی بین لسالا 2004 وهژماره‌کا که‌سانێن سه‌رکرده‌ بوونه‌ قوربانی د روژا چه‌نێ دا کوما برایێت مسلمان ل مسرێ هه‌لویستێ خوه‌ دیارکر ده‌مێ بروسکه‌کا سه‌ره‌خوشیێ ئاراسته‌ی سه‌رکردایه‌تیا پارتی وئێکه‌تی کری وئیدانا وان کریارێن تیرورستی کر ژ لایێ مورشدێ ئیخواناڤه‌ موحمه‌د مه‌هدی عاکفی ، به‌لێ بو جی مروڤ هنده‌ بێ وه‌فا بیت نزانم ، دبیت هنده‌ک جاران گه‌له‌ک که‌س ب ئه‌زمانه‌کێ زڤر ونه‌شرین به‌حسێ حه‌سه‌ن به‌ننای دکه‌ن وهیج پێزانینه‌که‌ لسه‌ر ڤی که‌سێ به‌رێز وهێژا نینه‌ بتنێ جونکه‌ ئیسلامی یه‌ وخودان پروژه‌کێ شارستانی وژیواری یه‌ بتنێ بو زانین هه‌ڤاله‌کێ من هاته‌ گرتن ژ لایێ ده‌ست هه‌لاتا کوردی ڤه‌ ژ به‌ر هه‌لویستێ وی یێ سیاسی ئه‌ڤجا تشتێ سه‌یر ئه‌وبی ده‌مێ ئه‌فسه‌ری دگوتێ ئه‌رێ مانه‌ شه‌رمه‌ تو که‌تی دویڤ حه‌سه‌ن به‌ننای نوکه‌ ئه‌و یێ ل هوتێلێن پێنج ستێر ل باژێرێن پاریس وله‌نده‌ن خوشیێ دبیت وتو دزیندانێ ڤه‌ ؟؟ ئه‌گه‌ر ئه‌ڤه‌ پێزانیێن که‌سه‌کێ به‌رپرس بن تو جی هزر دکی بو خه‌لکێ ساده‌ ؟؟ به‌لێ دڤێت ئه‌م هه‌لویستێ مه‌لا موسته‌فا بارزانی ژ بیر نه‌کین ده‌مێ لسالا 1966 ئه‌وی لگه‌ل ماموستا وزانایێت عێراقێ داخاز ژ سه‌روکێ مسرێ جه‌مال عبدالناسری کری هزرڤان وشروڤه‌که‌رێ قورئانا پیروز وخودانێ ته‌فسیرا(فی ظلال القران) سه‌ید قوتب نه‌ هێته‌ سێداره‌دان . هه‌ژی گوتنێ یه‌ بێژین زور ژ سه‌رکردێن کارێ ئیسلامی لسه‌رانسه‌ری جیهانێ و نڤیسه‌ر وهوزانڤان وبیرمه‌ندێن ئیسلامی هه‌لویستێ وان گه‌له‌ک یێ باش بوو لگه‌ل دوزا گه‌لێ کورد بو نموونه‌ شێخ یوسف قه‌رزاوی ، راشد غه‌نوشی ، مه‌حفوز نه‌حناح ،فه‌همی هویدی ووو … ‌ ردوان گولی / سوید

پتر به‌رچاڤ بكه‌
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close