پشتی کو جەنتەیەکا پڕ ژ تەقەمەنی ل پارکەکا نزیک بورجا ئیڤل هاتیە دیتن، هێزێن ئەولەهیێ ل دەڤەرێ هاتنە بەلاڤکرن و زەنگا ئاگەهدارکرنێ لێدان.
ئاژانسا رویتەرز ژ زارێ پۆلیسێن فەرەنسا بەلاڤکرییە، ئێک ژ پارکێن گشتیێن باژارێ پاریسێ ل فەرەنسا کو دکەڤیتە نزیک بورجا ئیڤل جەنتەیەکا پر ژ ماددێن تەقەمەنیێ هاتنە دیتن، ژ بەر ڤێ یەکێ ژی بۆ دەمەکێ ئەو پارک هاتە چۆلکرن و هێزێن ئەو لەهیێ ل دەڤەرێ هاتنە بەلاڤکرن.
بەحسا وێ یەکێ ژی کر، ژبەر هەبوونا مادێن تەقەمەنیێ ل وێ دەڤەرێ زەنگا ئاگەهدارکرنێ لێدان و هاتن و چوونا ترومبێلا و میترۆ بۆ دەمەکێ راگرتن.
ئەڤە د د دەمەکی دایە، د مەها دەربازبووی دا ب گۆمانا هەبوونا بۆمبەکێ بورجا ئیڤل بۆ ماوێ چەند دەمژمێرەکان هاتە چۆلکرن، لێ پشتی هێزێن ئەولەهیێ ئەو دەڤەر پشکنی دەرکەفت کو چ بۆمب ل وێ دەڤەرێ نەبووینە و هاتن و چوون ل وێ دەڤەرێ ئاسایی کرن.
