ل گورى ڤەکۆلینەکا نۆژدارى دکارن ب رێیا بهێنکرنێ جگارەکێشانێ بهێلن.
د ڤەکۆلینەکا زانینگەها پەنسلڤانیایێ دا هاتیە، ئەو کەسێن کو جگارێ دکێشن دکارن ب رێیا وان بێهنێن کو حەزا وان ل سەر هەیە ، جگارە کێشانێ بهێلن.
مایکل سایت رێڤەبەرێ ڤەکۆلینێ ئاشکرا کر، پێنگاڤێن هێلانا جگارەکێشانێ گرانن و پێتڤى ب گوهەرتنا چەندین رەفتاران هەیە.
ڤەکۆلین ل سەر ٢٣٢ کەسان هاتە جێبەجێکرن، کو چ جاران هزر د هێلانا جگارەکێشانێ دا نەکرنە.
سەرپەرشتیارێن ڤەکۆلینێ داخواز ژ بەشداربوویان کر، بۆ دەما هەشت دەمژمێران جگارەیێ نەکێشن ، تەنێ جگارەیا خوە د دەستێ خوە دا هەلبگرن، د هەمى دەمژمێران دا داخواز ژ وان کەسان هاتە کرن، هەیا کو چەند حەز ژ جگارە کێشانێ هەیە، د داویا وى دەمى دا بۆ دیاربوو، د بەرسڤێ دا ٨٢.١٣% یا بەشداربوویان دازانین کو حەزدکەن جگارەیێ بکێشن.
پشترە ڤەکۆلەران داخواز ژ وان کەسان کر بۆ دەمەکێ بێهنەکێ بکار بینن کو حەز ل سەر هەیە وەکى بێهنا نەعنایێ و شۆکۆلاتایێ، دیتن گوهەرتنێن بەرچاڤ د ناڤا بەشداربوویان دا روودایە، پشتى بهێن کرنا وان بێهنێن کو حەزا وان ل سەر هەبوویە، رێژەیا وان کەسێن حەزا کێشانا جگارەیێ هەبوویە بۆ ١٩.٣% داکەت.
د داویێ دا ڤەکۆلەران دیار کر، هەرچەندە بەشداربوویان نەکارین ب تەمامى جگارەکێشانێ بهێلن، لێ ئەنجام بۆ وان جهێ گرنگى پێدانێ یە و ئەو د بزاڤێن خوە دا بەردەوام دبن بۆ دیتنا وان سەدەمێ کو باندۆر ل سەر هەستا هێلانا جگارەکێشانێ هەیە.
