دەزگەهێ لوتکە یێ کاروبارێن پەنابەران ڕاگەهاند، گەنجەکێ هەرێما کوردستانێ کو ئاکنجیێ باژێرێ زاخۆ یە، ل رێیا دەربازبوون ل روبارێ “درینا” سنورێ وەلاتێ سربیا ژیانا خۆ ژ دەست دا.
ئەڤرۆ شەمبیێ، دەزگەهێ لوتکە ئاماژە ب وێ یەکێ کر، پشتی کو کۆچبەرەکێ کورد بناڤێ “ئاراس سەلیم” تەمەن ٢٤ سال کوردستان هێلای و ب شێوەیەکێ نە یاسایی بەرەف وەلاتێن ئەورۆپا رێکەفتی، ئێڤاریا رۆژا پێنجشەمبیێ د گەل سێ کۆچبەرێن دی ل دەمێ دەربازبوون ژ روبارێ درینا سنورێ وەلاتێ سربیا بەری بگەهیت ژیانا خۆ ژ دەست دا.
دبێژیت ژی، ب مەبەستا هاریکاری و کار ساناهی کرن بۆ ڤەدیتنا تەرمێ کورێ وان کەسوکارێن ئاراسی پەیوەندی ب دەزگەهێ لوتکە ڤە کرییە و دەزگەهێ لوتکە ژی دێ هاریکار بیت بۆ ڤەدیتنا تەرمێ وی.
چەند رۆژەکا ن بەریا نهاژی، نوچەگەهانێ ئێن ئاڕ تی ڕاگەهاند، چار ئەندامێن خێزانەکا رۆژهەلاتا کوردستانێ کو ب رێیا ئاڤی دخاست بچنە ناڤ ئاخا بەریتانیا دا، خەندقینە و هێشتا تەرمێ زارۆیەکێ تەمەن ١٥ سالی دیارنییە.
سالانە ب سەدان کەس ل هەمی وەلاتان و دەهان کوردیش ل رێیا گەهشتن بۆ ئەورۆپا ژیانا خۆ ژ دەست ددەن.
