جیهانینووچه‌

جوداهی دناڤبەرا جڤاتا نوێنەران و پیران ل ئەمریکا دا چییە؟

کۆنگرێسێ ئەمریکا ل دوو بەشان پێکدهێت، جڤاتا پیران و جڤاتا نوێنەران، لێ دبیت جوداهی و ئەرکێ هەر یەک ژوان چ بیت؟

لدیف پێگەهێ Difference Between کۆنگرێس پێکدهێت ژ دەستەیەکا یاسادانانا سەرەکی یا حکومەتا ئەمریکا و ل دوو جڤاتان پێکدهێت، پیران و نوێنەران، کو هەبوونا هەردووکان سەرەکیە د دانانا یاسایان دا، لێ ئەرکێ هەردووکان ژ هەڤدۆ جودانە، بۆ نمونە جڤاتا نوێنەران کو ژمارا ئەندامان ٤٣٥ ئەندامن هەر ئەندامەک ژی بۆ دوو سالا ل وی پۆستی دا دمینیت.

ل جڤاتا پیران ڤەکری و دیموکراتی ترە و زێدەتر گرنگیێ ب کاروبارێن ناڤخۆیا وەلاتی ددەت، لدیف برگا دوویێ یا مادێ یەکێ یێ دەستورێ ئەمریکا، جڤاتا نوێنەران خودان تاکە دەستهەلاتە بۆ لادانا سەرۆکێ وەلاتی ل پۆستێ وی، لێ دادگەهکرنا سەرۆکی دێ ل جڤاتا پیران بیت.

دروستبوونا جڤاتا نوێنەران بۆ سەردەمێ داڕشتنا دەستورێ ئەمریکا ڤەدگەرێت، کو هندەکان وەسا دزانی پێتڤیە هەری کێم حکومەتێ بالەک یان ئالیەکێ دیموکراتی هەبیت، ئەگەر هەرچ جڤاتا پیرانا ئەمریکایە کو ژمارا سیناتۆرێن وێ ١٠٠ سیناتۆرن جدی تر و ئۆرۆستۆکراتیترە، هەر سیناتۆرەکێ جڤاتا پیران ژی دەمێ پۆستێ وی شەش سالن، لێ هەر دوو سالا جارەکێ هەلبژارتن بۆ یەک لسەرسێ ئانکو ٣٣ ژ ئەندامان دهێنەکرن.

ئەڤە د دەمەکی دایە، دەستهەلاتا جڤاتا پیران زۆر یا بهێزە ب تایبەت ل کاروبارێن سیاسی یێن دەرڤە، بۆ نمونە دکاریت بەلێنناما هەلوەشینیتەڤە، هەڤدەم کۆنگرێس بەرپرسە ل دەربڕینا رەزامەندیێ لسەر دانانا فیدڕالیان و دانانا بودجا گشتی و هاریکاریا سەرۆکێ وەلاتی ل ڕێڤەبرنا کاروبارێن سیاسی یێن دەرڤە.

ب گشتی پشکداریکرنا هەردوو جڤاتێن نوێنەران و پیران پێتڤی ب کاراکرنا پرۆسا یاسا دانانێ یە.

پتر به‌رچاڤ بكه‌
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close