ڕێڤەبەریا ڕاگەهاندن و روشنبیریا وەزارەتا پێشمەرگەی ڕاگەهاند، ل ناحیا چەمانکێ ب سەدەما تەقینەکێ، کو پەکەکێ دانابوو، دوو ئەفسەر و جێگرێ ئەفسەرەکی برینداربوون.
بابەكر فەقێ ئەحمەد، بۆ ڕووپەلا فەرمیا پارتی ڕاگەهاند، “پەکەکێ بۆمبەک ل ناحیا چەمانکێ دانابوو و بهێزێن پێشمەرگەی ڤە تەقییە، کو ب وێ سەدەمێ دوو ئەفسەر و جێگرێ ئەفسەرەکی برینداربوون.”
ئاماژە ب وێ یەکێ ژی کر، “پەکەکێ ژ دوورڤە تەقە ل هێزێن پێشمەرگە کریە، لێ هێرشێن ڕاستەوخۆ نەبووینە وەکو هێرشکرن بۆ سەر هێزێن پێشمەرگەی.”
ئەڤە ژی پشتی وێ یەکێ دهێت، بەری نیڤرۆیا ئەڤرۆ چارشەمبێ، شەر و پێکدادان د ناڤبەرا هێزێن پێشمەرگەی و گەریلایێن پەکەکێ دا ل ناحیا چەمانکێ یا گرێدایی قەزا ئامێدیێ روویدا.
