دۆنالد ترەمپی ڕاگەهاند، دەهان هزار دەنگ ب شێوەیەکێ نە یاسایی پشتی هەلبژارتنان وەرگرتینە و رێگری ل هژمارکرنا هزاران دەنگان کریە.
دۆنالد ترەمپ سەرۆکێ نها یێ ئەمریکا و کاندیدێ کۆماریان بۆ سەرۆکێ چار سالێن داهاتی یێن وی وەلاتی ل تۆڕا جڤاکیا فەیسبۆکێ ئاشکراکر، پشتی دەمژمێر هەشتێ رۆژا پێنجشەمبی و داوی رۆژا هەلبژارتنێن ئەمریکا دەهان هزار دەنگێن نەیاسایی وەرگرتنە ئەڤێ ژی ب ساناهی کارکریە سەر ئەنجامێن هەلبژارتنا ل ویلایەتا پەنسڵڤانیا و ویلایەتێن یەکئالیکەرێن دی.
ئاماژە ب وێیەکێ ژی کر، د شەڤا هەلبژارتنێ دا هەموو کەسان وەسا دزانی، کو ئەو دێ ل پەنسڵڤانیا سەرکەفتنێ ب دەستڤەئینیت، لێ د دەما چەند دەمژمێران دا سەختەکاریەکا زۆر کریە و شەفافیەت ل هەژمارتنا دەنگان دا نەبوویە.