كوردستانینووچه‌

حکومەتا هەرێمێ: دەست ب شاندنا نەفتێ کریەڤە

پەیڤدارێ حکومەتا هەرێما کوردستانێ ڕاگەهاند،  ب هەمان قەبارێ بەرێ، دەست ب شاندنا نەفتێ کریەڤە.

جۆتیار عادل، پەیڤدارێ حکومەتا هەرێما کوردستانێ د تویتەکا خۆ دا ڕاگەهاند، دەست ب شاندنا نەفتێ کریەڤە ب هەمان قەبارێ بەرێ ئەڤە ژی د دەمەکی دایە پێشتر حکومەتێ ڕاگەهاند، ژبەر کرنە ئامانجا بۆریا ڤەگوهاستنا نەفتێ، پرۆسا شاندنا نەفتێ ل هەرێمێ راوەستابوو.

ل رۆژا ٣٠ێ مەها دەربازبووی، د ڕاگەهاندنەکێ دا حکومەتا هەرێما کوردستانێ بەحسا وێ یەکێ کر، رۆژا ٢٨ێ هەمان مەهـ بۆریا ڤەگوهاستنا نەفتێ کربوو ئامانج بێی کو ئاماژێ ب جهێ وێ بکەت ئەڤ کریارە ژی ب تیرورستانە ب ناڤکر.

بەحسا وێیەکێ ژی کر، ژبەر وێ هێرشێ شاندنا نەفتێ راوەستابوو گۆتژی، حکومەتا هەرێمێ ب چ شێوەیەکی رێیێ نادەت هەرەشا د بەرژەوەندیێن وێ دا بکەن و دەستی بۆ نانێ خەلکێ کوردستانێ ببەن.

پێشتر ژی، هێزێن پاراستنا گەل (هەپەگە) ڕاگەهاند، ل ٢٨ێ مەها دەربازبووی، ل هەرێما باگۆکی یا سەر ب مێردینێ ل باکورێ کوردستانێ بۆریا ڤەگوهاستنا بۆتاش ل تورکیا کربوو ئامانج.

پتر به‌رچاڤ بكه‌
ڤێژی ب بینه‌
Close
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close