جیهانینووچه‌

دەزگەهێ لوتکە: تنێ د ئەڤسالە دا نێزیکی ٢٠ هزار گەنجان هەرێما کوردستانێ بجیهێلاینە

دەزگەهێ لوتکە بۆ کاروبارێن ئاوارە و پەنابەران ڕاگەهاند بتنێ د ئەڤسالە دا ٣٢ هزار گەنجێن عێراقێ کو نێزیکی ٢٠ هزار ئاکنجیێن هەرێما کوردستانێ بەرەڤ دەرڤەی وەلاتی کۆچکریە.

ئاری جەلال سەرۆکێ دەزگەهێ لوتکە قسە بۆ کەنالێ سکای نیوز کریە و دبێژیت، مە ئامار ب هوری ل سەرچاوێن تایبەتێن خۆ وەرگرتینە ل وان وەلاتێن کو گەنجێن مە تێدا دەربازدبن، سالانە دوو جارا وان ئاماران بەلاڤدکەین، ئەڤ ئامارە بەرەڤ بلندبوونێ نە ل هەمبەر ب سالا دەربازبووی، هەرچەندە رێ گرتینە ژبەر کۆرۆنایێ،

دبێژیت ژی، سەدەما کۆچکرنا گەنجان ژبەر بێکاریێ یە چونکی دەستهەلاتدارن هەیا نها  نکاریە ئاریشا گەنجان چارەسەر بکەن.

هەڤدەم گەنجەکی قسە بۆ سکای نیوز کریە گۆتیە، حەزدکەم بچمە ئەورۆپا، ژیان ل وێرێ باشترە، چەند سالە ئەز و خێزاناخۆ  ب دەست ڤێ رەوشێ دنالین، ئێدی من هێز نەمایە، هەموو بزاڤان دکەم کوو وەلاتی بجیبهێلم.

ئەڤە ژی د دەمەکی دایە، هزاران گەنجان بڕوانامە هەیە و بێ کار ماینە، یان د بوارێ خۆ دا کارناکەن، ژبەر کو دەستهەلاتدارێن هەرێمێ نکاریە دەلیڤا کاری بۆ گەنجان پەیدابکەت.

پتر به‌رچاڤ بكه‌
ڤێژی ب بینه‌
Close
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close