وەلاتێن ئەندام یێن یەکێتیا ئەورۆپا سزایێن سەر تورکیا هەیا سالەکا دی درێژکرن، ئەڤەژی پشتی جەختکرنا ئەنقەرە لسەر بزاڤێن خۆ بۆ ڤەدیتنا گازا سروشتی ل دەڤەرێن دەریایا ناڤەراست نێزیکی قوبرس و یۆنان.
جڤاتا یەکێتیا ئەورۆپا د ڕاگەهاندنەکێدا ئاماژە ب وێیەکێ کریە، سەپاندنا سزای لسەر تورکیا هەیا ١٢ێ مەها سالا بهێت دێ هێتەڤ درێژکرن.
ئەو سزا ل مەها ١٠ یا سالا ٢٠١٩ێ سەپاندینە بسەر دوو کاربدەستێن بلند یێن کۆمپانیا نەفتا دەولەتا تورکیا، کو تاوانبار دکەن ژبەرکو وان دوو کاربدەستان رۆل هەبوویە د وان بزاڤێن تورکیا دا بۆ پشکنین لدیف ژێدەرێن گازا سرۆشتی ل دەریایا ناڤەراست دا.
د هەمبەردا، بەرپرسێن تورکیا ئاماژێ ب وێیەکێ دکەن ئەو مافێ وانە ل وان دەڤەران لدیف ژێدەرێن سۆتەمەنیێ بگەرن.
