كوردستانینووچه‌

ژبلی یێن هەرێمێ سەرجەم كەمپێن ئاوارەیان دێ هێنە دایێخستن

وەزارەتا كۆچ و كۆچبەران یا عیراقێ‌ ئاشكرا كر، ل دەستپێكا ساڵا داهاتی، سەرجەم كەمپێن ئاوارەیان ل عیراقێ‌ دێ هێنە دایێخستن تنێ‌ ئەو كەمپە نەبن، یێن ل هەرێما كوردستانێ.
ئیڤان فایق وەزیرا كۆچ و كۆچبەران د داخۆیانیەكا ڕۆژنامەڤانیدا ڕاگەهاند، وەزارتا وان پلانەكا نیشتیمانی بەرهەڤكرییە بۆ دایێخستنا سەرجەم كەمپێن ئاوارەیان، و ل دووف وێ پلانێ نێزیكی ملیونەك و 500 هزار ئاوارە دێ ڤەگەڕنە سەر مال و دەڤەرێن خۆ.
ئیڤان فایق گوت: وەزارتا كۆچ و كۆچبەران هەڤكاری دگەل ڕێكخراوا نێڤدەولەتییا كۆچ و كۆچبەران كرییە بۆ پشتەڤانییا وان خێزانێن بەشەك ژ خانیێن وان هەڕفتین، و دراڤێ پێدڤی ژی دایە وان خێزانێن خانیێن وان بتمامی هاتینە هەڕفاندن.
وەزیرا كۆچ و كۆچبەران ئاماژە كرە وێ چەندێ كو، كو لدووماهییا ڤێ هەیڤێ، كەمپێن كەركوك و سەلاحەددین و خیڤەتگەهەك ل ئەنبار و خیڤەتگەهەكا دی ل عامریا فەلوجە دێ هێنە دایێخستن، ژبەركو ئاوارەیێن پارێزگەها نەینەوا ڤەگەڕیاینە دەڤەرێن خۆ.

پتر به‌رچاڤ بكه‌
ڤێژی ب بینه‌
Close
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close