سەرۆککوەزیرێن عێراقێ بڕیارا داخسانا تەڤاهیا دەرازینکێن سنوری یێن نەفەرمی دەرکر و ڕاگەهاند، لێپرسین دێ ل کارمەندێن گەندەل ژی هێتەکرن، بتایبەت ئەوێن کو ئاسانکاریێ بۆ کاروبارێن وان دەرازینکان دکەن.
د چارچۆڤەیێ جڤینێ دا دگەل عومەر وائیلی، سەرۆکێ دەستەیا دەرازینگێن عێراقێ، مستەفا کازمی سەرۆککوەزیرانی ئاماژە ب وێیەکێ کر، دەرازینکێن نەفەرمیێن سنوری باندۆریێن نەرێنی و خراب کرینە سەر ڕەوشا ئابوریا نیشتیمانی و پاراستنا بەرهەمێن ناڤخۆی، ژبەر هندێ پێدڤیە ئەو دەرازینک بهێنە داخستن.
هەر دجڤینی دا، سەرۆککوەزیرێن عێراقێ هەبوونا تاقیگەهان بۆ پشکینیا کەل و پەلێن دهێنە شاندن ل ژێر دەستهەلاتا دەزگەهێ ناڤەندی و پیڤانه و کۆنترۆلا جۆری ب گرنک زانی.
مستەفا کازمی سەرۆککوەزیرێن عێراقێ تەکەزی ژی کر لسەر نەهێشتنا قاچاغچیەتی و سەختەکاری و ب فیڕۆدانا داراییا گشتی و دەرازینکێن نەیاسایی.
