كوردستانینووچه‌

ئارتێشا تورکیا ب دژواری سنورێ ناحیا دەرکارێ تۆپباران کر

تۆبخانەیێن ئارتێشا تورکیا نێزیکى ٦٠ تۆپان ئاراستەى سنورێ ناحیا دەرکارێ یا گرێدای قەزا زاخۆ کرن کو هند ژ وان بتنێ سێ کم ژ سەنتەرێ ناحیێ دووربوون.

شەلال فندى رێڤەبەرێ ناحیا دەرکارێ راگەهاند، سپێدەهیا رۆژا سێشەمبیێ جارەکا دی تۆپخانەیێن تورکیا سنورێ وێ ناحیەیێ تۆپباران کر و ب وێ سەدەمێ ژی زیانەکا زۆر بەر ب رەز و باغ و بیستانێن وەلاتیان کەتن، لێ چ زیانێن گیانى ل پەى نەبوونە.

دیارکر ژی، زێدەترى وان تۆپان ب چیایێ خامتیر و دەوروبەرێن بهێریێ و ستەببلانێ و شرانشێ ل سنورێ وێ ناحیا کەتنە.

بەحسا وێ یەکێ ژی کریە، بسەدەما تۆپبارانێ ترس د دلێ ئاوەریێن ئێزدی یێن کەمپێن بێرسڤێ و دەرکارێ و خەلکێ وێ دەڤەرێ  پەیداکریە.

لگۆر زانیاریێن ئێن ئاڕ تی ل سنورێ هەردوو ناحیەیێن باتیفا و دەرکارێ ل سنورێ قەزا زاخۆ زێدەترى ٥٠ گوند ژبەر بۆردومان و تۆبارانیێن تورکیا هاتینە چۆلکرن و ژینگەها دەڤەرێ ژى ٣٠ ژ سەدێ هاتیە تێکدان و شەوتاندن.

پتر به‌رچاڤ بكه‌
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close