كوردستانینووچه‌

ئه‌مریكا: توركیا پلان نینن‌ ئۆپه‌راسیۆنه‌كا دى ل رۆژئاڤایێ كوردستانێ بكه‌ت

نوونه‌رێ تایبه‌تێ ئه‌مریكا بۆ كاروبارێن سووریێ راگه‌هاند، توركیا چو پلان نینن ئۆپه‌راسیۆنه‌كا دى یا سه‌ربازى ل سه‌ر رۆژئاڤایێ كوردستانێ یان هه‌ر ده‌ڤه‌ره‌كا ل ژێر كونترۆلا رێڤه‌به‌ریا خوه‌سه‌ر بكه‌ت.

جه‌یمس جێفرى، نوونه‌رێ تایبه‌تێ ئه‌مریكا بۆ كاروبارێن سووریێ و هنارتیێ تایبه‌تێ سه‌رۆكێ ئه‌مریكا بۆ هه‌ڤپه‌یمانییا ناڤده‌وله‌تى یا دژى داعشێ راگه‌هاند، ئه‌وان رێككه‌فتن د گه‌ل توركیا هه‌یه‌ و هه‌ر لڤینه‌كا سه‌ربازى یا توركیا بنپێكرنا وێ رێككه‌فتنێ یه‌، د هه‌موو كۆمبوونێن خوه‌ ژى دا د گه‌ل توركیا وێ یه‌كێ دوپات دكه‌ن.

جێفرى ئاشكرا كر، ئه‌وان چو لڤینێن وه‌سا نه‌دیتینه‌ كو ئاماژه‌ بیت توركیا به‌رهه‌ڤیا لڤینه‌كا سه‌ربازى دكه‌ت، هه‌روه‌سا چو لڤین ژ ئالیێ هێزێن سووریا دیمۆكرات هه‌سه‌دێ ژى نه‌دیتینه‌ كو شه‌رعیه‌تێ بده‌ته‌ لڤینێن سه‌ربازى یێن توركیا.

نوونه‌رێ تایبه‌تێ ئه‌مریكا بۆ كاروبارێن سووریێ راگه‌هاند ژى، ئه‌و دخوازن كادرێن پارتییا كاركه‌رێن كوردستانێ په‌كه‌كێ سووریێ بجهبهێلن، ژبه‌ركو ئه‌و ئه‌گه‌ره‌كێ سه‌ره‌كینه‌ بۆ ئالۆزیێن باكۆر و رۆژهه‌لاتێ سووریێ

پتر به‌رچاڤ بكه‌
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close