ڕێکخراوا ساخلەمییا جیهانی WHO دبێژیت: بهارا بهێت ڤاکسینێ کۆرۆنایێ دێ ل ناڤ خەلکێ گەلەک هەژار هێتە بەڵاڤ کرن.
وێ ڕێکخراوێ دیار کر، ڤاکسینێ کۆرۆنایێ ژ ڕەهـ وڕیشال دێ ئاراستەیێ بەڵاڤبوونا کۆرۆنایێ گوهوڕیت کو ب رێژەیا ٩٠%ێ سەرکەڤتن ب دەستڤەئینایە.
بەریۆس ئیلۆرد مەزنە شیرەتکارێ WHO د کۆنگرەیەکێ ڕۆژنامەڤانی دا گۆت: ئەنجامێ تاقیکرنێن هەردوو کۆمپانیێن فایزەر یا ئەمریکی و بیۆنتیک یا ئەڵمانی گەلەک د ئەرێنی بوون، لێ هێشتا گەلەک کار مایە ل سەر بهێتە کرن.
وی مەزنە شیرەتکارێ وێ ڕێکخراوا جیهانی گۆت: هەیڤا ئادارا بهێت دێ دەست ب دابەشکرنا وی ڤاکسینی هێتە کرن و ل پێشیێ ژی دێ بۆ وان وەڵاتان بیت یێن خەلکێ وان گەلەک هەژارن و پێدڤی وی دەرمانینە.
ژ لایەکێ دیڤە هەر ئێک ژ سەرۆکێ ئەمریکی دۆناڵد ترامپ و سەرۆکێ هەلبژارتی جۆ بایدن خۆشحالییا خۆ ل سەر ڕاگەهاندنا بەرهەمئینانا ڤی ڤاکسینی دیار کرن کو ب ڕێژا ٩٠%ێ سەرکەڤتن ب دەستڤەئینایە.
