بریندارەکێ بوویەرا وەرگەریانا پاسا گەشتیاریا سلێمانیێ ل رهایێ ژبەر گرانیا برینێ ژیانا خۆ ژدەستدا، برینا هەژمارەک ژ بریندارێن دی ژی گرانە.
هەژمارا سەرنشینێن وێ پاسێ ٣٢ کەس بوونە و دخواستن ل رحایێ بەر ب باژاڕێ سانسونا تورکیا لسەر دەریا ڕەش بچن و دەردورا دەمژمێر ٤ێ سەرێ سپێدەهیا ئەڤرۆ وەرگەڕیایە.
دازانین ژی، ئەو بریندارێ ژیانا خۆ ژدەستدای، ناڤێ وی عەدنان عەباسە و د تەمەنێ ٢٩ سالیێ دایە و خەلکێ باژاڕێ سلێمانیێیە.
تەڤاهیا برینداران لسەر نەخۆشخانەیێن باژاڕێ رحایێ هاتنە بەلاڤکرن و دهێن چارەسەرکرن، ڕەوشا هەژمارەک ژ بریندارێن دی ژی یا گرانە.
ئەو پاسە ل سلێمانیێ چوویە تورکیا، لێ هەیا نها ناسنامەیا هەموو کەسان نەهاتیە زانین کا گەلو تەڤاهیا سەرنشینان کوردن و خەلکێ سلێمانیێنە، یان ژ نەتەوە و باژاڕێن دیێن هەرما کوردستانێ و عێراقێنە
