پەرلەمانتارەکێ نەوەی نوێ ڕاگەهاند، دەستهەلات مەهانە نەفتێ دفرۆشیت و یەک دینار ژی بۆ مووچەی نادەت، دبێژیت ژی، “نەفتا کوردستانێ سەروەتەکێ بنەمالەيییە نەک نشتیمانی”.
سیپان ئامێدی ئەندامێ پەرلەمانێ کوردستانێ لسەر فراکسیۆنا نەوەی نوێ د پەرەیێ خۆ یێ فەیسبووکێ دا ڕاگەهاند، “ھەتا کو نەفت نەبیتە سامەنەکێ نشتیمانی و ژدەست جووت حزبێن دەستھەلاتدار و بنەمالەیاندا دەرنەکەڤیت بەردەوام قەیران ل دویڤ قەیرانێ دێ بەروکێت ھەرێما کوردستانێ گریت”.
دیارکر ژی، ئەڤا د نها دا رووی ددەت بەرپرسیارەتیا یەکێ پارتی و یەکێتی و ئەو حزبێن بێدەنگن، ئەڤ دەستھەلاتە مەھانە نەفتێ دفرۆشیت و یەک دینار ژی نادەت ژبۆ مووچەی، هەروەسا داھاتێ ناڤخۆ ژی دبەت ژبۆ کۆمپانیێن خۆ.
بەحسا وێ یەکێ ژی دکەت، کو حکومەت چاڤەرێیە بڤی شێوەی ژی بەغدا مەھەنا ٣٢٠ ملیاران ڤرێبکەت و ئەو ژی ھەر دوو مەھان جارەکێ مووچەیەکی ب لێبڕینڤە بدەت.
ئەو یەک ژی گوتیە، کو دڤێ ھەمیێ دا ژی وەلاتیێن ھەرێمێ و مووچەخۆر زەرەرمەندێن یەکێنە.
