پشتی بڕیارا کارگێریا دهۆکێ لسەر قەدەغەکرنا بژارتنا ماسیان ب داران، ئەڤرۆ وەک نەڕازیبوون پڕانیا خودان خارنگەهێن ماسیان خارنگەهێن خۆ داخستن.
ئەڤرۆ پێنجشەمبیێ ١٢ێ مژدارا ٢٠٢٠ێ خودانێن پڕانیا خارنگەهێن ماسیان ل دهۆکێ وەک نەڕازیبوون لسەر بڕیارا قەدەغەکرنا بژارتنا ماسیان ب داران، خارنگەهێن خۆ داخستن و داخوازا هەلوەشاندنا بڕیارێ دکەن.
ئەو بڕیارە دێ مەزاختنێن زێدەتر لسەر وان دروستکەت و دروستکرنا ماسیان ب شێوازێن دی تاما وان نەخۆش دکەت.
ئەڤە ژی دەمەکێ دایە، دوهی چنار عەزیز ڕێڤەبەریا دارستن و پاوانان ل دهۆکێ ڕاگەهاند، ل دیف داخوازیا وان کارگێڕیا پارێزگەهێ بڕیاردایە ب قەدەغەکرنا بژارتنا ماسیان ب داران ل سەرانسەری سنورێ پارێزگەهێ و ل ڕۆژا ٣٠ێ ڤێ مەهێ دێ بڕیار کەڤیتە د بیاڤێ جیبجیکرنێ دا.
