كۆریا باكور تووشی گرفتا كێمبوونا ئاهێن خوارنێ بوویە و سەرۆكێ وی وەڵاتی كیم جۆنگ ئون بڕیاردیە هەر كەسێ خوارنێ بهەدەر بدەت دێ بتوندی هێتە سزادان.
ئێزگێ ئاسیا ئازاد بەڵاڤكر، كیم جۆنگ ئون هەڵمەتەك دەستپێكرییە بۆ چارەسەركرنا كێشەیا كێمبوونا ئاهێن خوارنێ ل كۆریا باكور، و دنووترین بڕیارا خۆدا سەرۆكێ وی وەڵاتی خەلك ئاگەهداركرییە ئابورێ دخوارنێدا بكەت، و هەر كەسێ زێدەڕەویێ و هەدەردانێ دخوارنێدا بكەت، دێ بتوندترین شێوە هێتە سزادان.
ل هەردوو هەیڤێن تەباخ و ئیلونێ لافاوان چەندین دەڤەرێن بەرین ل كۆریا باكور ڤەگرتن و بوونە سەدەما ژناڤچوونا دەرامەت و داهاتێ چاندنێ و دئەنجامدا ئاهێن خوارنێ ل وی وەڵاتی كێمبووینە.
