نێرین

غیابا عەقلێ ئابووری

سەردار هێتوتی

د ئاست ڕێڤەبرنا هەرێما کوردی ل عیراقێ کو د پەرلەمانی دا وەک هەرێما کوردستانا عیراقێ دهێتە ب ناڤکرن، زێدە لاوازی هەنە، چ د ئێکگرتنا هێزێن سەربازی و ئەمنی و تێکدانا پەیوەندیێن جڤاکی و نەبوونا پەروەردەهیەکا ساخلەم و ناڤەندێن باش یێن تەندروستیێ و ئیحتکار و قورغکاریا هندەک دەستەکێن مافیای ل وەڵاتی ل سەر گشت سکتەرێن گرێدای کارێن حکومی و ژیانا خەلکی، لێ یا ژ هەمیان گرنگتر نەبوونا هزرا باشا ئابوورییە.
ل ڤێ هەرێما ئەو پلانا هزر تێدا نەهاتی کرن ب تنێ خۆ د بیاڤێ ئابوورا بنگەهین دا دبینیت، هەر چەندە هەموو سکتەر و کەرتێن دیتر یێن ڕێڤەبریێ ژی پرن ژ کێماسیان.
ئابوور سەرکێشا ژیانا سەردەمە و ب ئابوورا بهێز هاوڵاتی دشێت هەست ب گرنکیا هەبوونا خۆ بکەت و فشار ژی لسەر حکومەتێ کێم دبن، لێ ل ڤێ هەرێمێ کەسێ نەزان د ئابوورێ دا رێبەر و ڕێڤەبەرن و نەشیانە د گشت بیاڤێن ب دەستڤەئینانا دارایی دا سەرکەفتی بن یان ژی هزر تێدا بکەن.
ل کوردستانێ، کومپانی نینە، کارگەهـ نینە، بانک نینە، بیمە نینە، گومرک یێن بەرپرسانە، ئەسمان دەستێ هەرێمێ دا نینە، نەفت کەس چ ژێ نزانیت، غاز نەیا دیارە، سەرپێچی کەس نزانیت پارێ وان ل کیڤەیە، باج یا هندەک بەرپرسێن دیترە، ئاڤ دشیانێن مە دا نینە، رسومات ژی یا هندەک بەرپرسێن دیتر.
کەواتە مە چ نینە.
لەورا نەبوونا پلانا ئابووری و نەبوونا سندوقا خرڤەکرنا دراڤی ل هەرێمێ و نەبوونا کەسێن پاقژ د ئاست ڕێڤەبرن و سەرەدەریکرنا ڤی دراڤی دا و هەبوونا باندێن مافیای و مەزنتر ژ یاسایێ و هەبوونا هزرا ڕێڤەبەرا عەشیری و دەڤەرکی و نەبوونا دادگەهەکا بێ لایەن و چاڤدێر و نەبوونا پەرلەمانەکێ یاسای، بوونە ئەگەر خەلک یێ برسی بیت، لەورا دڤێت کەسێن شەهرەزا د بیاڤێ ئابوورێ دا بشێن کار بکەن و خۆ نێزیکی ناڤەندێن شەفافیەتا ناڤدەوڵەتی بکەن کو چاڤدێرێن خۆ رەوانەی کوردستانێ بکەن دا کو خەلک توشی برسیبوونەکا دڕێژتر نەبیت.

پتر به‌رچاڤ بكه‌
ڤێژی ب بینه‌
Close
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close