كوردستانینووچه‌

تەرمێ چالاکڤانەکێ سیاسیێ کورد ل سویدێ هاتە دیتن

پشتی چەند رۆژان ژ دیارنەمانا تەرمێ کوردەکی ل یەک ژ هۆتێلێن باژارێ ستۆکهۆلما ولاتێ سویدێ هاتە دیتن، مالباتا وی ژی دبێژن، وان ئاریشە دگەل چ کەسان نەبوویە و چاڤەرێی ئەنجامێن ڤەکۆلینانە.

ئەو گەنجێ تەرمێ وی هاتیە دیتن، ناڤێ وی بلێسە عومەرە، ئاراسێ برایێ وی کو هەر ل سوید دژیت ڕاگەهاند،  ژ رۆژا شەمبیێ ڤە وان پەیوەندی دگەل بلێسەیێ برایێ وی نەمابوون، کو د هۆتێلەکا باژارێ ستۆکهۆلم دابوو، ژبەر وێ ژی پۆلیس دەربارەی بوویەرێ ئاگەهدارکرینە.

بەحسا وێیەکێ ژی کر، پشتی کو تیمێن پۆلیسان چۆینە وێ هۆتێلێ گوتیێ، تەرمێ بلێسەی هاتیە دیتن و چاڤەرێی ئەنجامێن ڤەکۆلینێن پۆلیسانە و هەیا نها نزانن کا شێوازێ ژیان ژ دەستدانا برایێ وان چەوابوویە، سەدەما بوویەرێ ژی نزانن.

هەڤدەم، عومەر سابیر بابێ وی کەسی یێ ژیانا خۆ ژ دەستدای ، هەیا نها نزانن چەوا کورێ وان ژیانا خۆ ژدەست دایە و کەسێ ژی تاوانبار ناکەن هەیا وی دەمێ ئەنجامێن ڤەکۆلینان دیاردبن.

ئاماژە ب وێ یەکێ ژی کر، دوو کورێن ویێن دی ل وەلاتێ سویدن و بزاڤان دکەن بۆ زانینا هورکاریێن وێ بوویەرێ و دیڤدا تەرمێ وی دێ زڤرینە ڕانیێ و دێ ڤەشێرن.

پتر به‌رچاڤ بكه‌
Back to top button

ئه‌ڤ مالپه‌ره‌ cookies بكارتینه‌ . ژ بو به‌رده‌وام بونا ب كارئینانا ڤى مالپه‌ری . پێویسته‌ تو بكارئینانا مه‌ بو cookies ب په‌ژرینی 

Close