har skickat Idag kl. 15:51
مروڤ گەوهەرە لسەر گویا زەمین ویەزدانێ دلوڤان هەر تشتەک ئافراندینە دگەردونی دا،تاکو مروڤ قازانجێ ژێ وەربگرت وبو خوشی وئارامیا خوە بکار بهینت،راستە ئاڤاکرن ب گشتی پروسێسەکا گران وب زەحمەتە،ئەڤچا ئاڤاکرنا خانی وقەسر وکەلهە بن یان رێک وبان وبالاخانە بن،دڤێت چەندین سالان ببورینن ب دروستکرنا ئاڤاهیەکێڤە بەلێ مروڤ دشێت ب چەند چرکان بهەرڤینت وژناڤ ببت،ئەگەر خاندنگەهێ وماموستایی شیا خویندکارێن دلسوز ونیازپاک وراستگو وخودان رەوشت بەرهەڤ بکەت،ئانکو پاشەروژا مللەتی یا گەشبینە وئاڤاکرنا وەلاتی مسوگەر وبێ گومانە،بەلێ ئەگەر هاوکێشە بەروڤاژی لێ هات وی دەمی وەلات بتنێ دێ بیت مینا سەرگیڤکەکێ مەزن وبلند بتنێ مشک وجورد وگیانەوەرێن زیان بەخش دێ تێدا مەزن وقەلەو بن،ئەگەر نموونەکێ بێژین لسەر وەلاتێ سەنگافورا ودیرووکا پێشکەفتنا وێ، سەنگافورا وەلاتەکێ دکەفت دەڤەرا باشورێ روژهەلاتێ کیشورێ ئاسیا،رامانا ناڤێ سەنگافورا بزمانێ سەنسکرێتی ئانکو باژێرێ شێری،ئەڤ گزیرتە ل چەرخێ نوزدێ بو کولونیەکا بریتانی ولسالا1957ز سەربەخویا خوە وەرگرت ژ بریتانیا،ولسالا 1959ز لگەل وەلاتێ مالیزیا بوون ئێک وەلات وگەلەک نەڤەکێشا ولسالا 1965ز مالیزیا ئەڤ رێکەفتنە تێکدا وسەنگافورا هاتە نیاسین ب کومارا سەنگافورا،ئێکەمین سەروک وەزیرێ وەلاتێ سەنگافورا ناڤێ وی لی کوان یو بوو،دەمێ کاربدەست بووی لسەر کارێ خوە،ب هەردووک چاڤان کرە گری وگوت ئەز دێ چەوا مووچێ فەرمانبەران دابینکەم ؟! ڤی وەلاتی نە پترولە ونە غازە ونە زێرە،بەلێ سەرکردێ دلسوز ونیازپاک دشێت وەلاتێ پێشڤە ببت،دەمێ کەسێ هەژی بهێتە دامەزراندن ل جهێ هەژی،واستەگەری وپشتگێریا حزبی نەما بو دامەزراندنێ،یاسا براستی سەروەر وپێشەنگ بت،کورێ سەروک هوزەکێ وکورێ هەژارەکێ لبەر وەرگرتنا پوستێن حکومی ومیری لسەر بنەما وشنگستێن شیان وبسپوری وباوەرنامێ بت،وپشتی دەمەکێ نە درێژ وەلاتێ سەنگافورا بوو ئێک ژ وەلاتێن پێشەسازی وپێشەکەفتی لسەر ئاستێ جیهانێ،لدوماهیکێ دێ بێژم ئاڤاکرنا مروڤی ژ ناخ ودەرونی دەستپێ دکەت وئەگەر بدروستی هاتە ئاڤاکرن،وەلات وخانی وقەسر ودیوان ورێک وجادە دێ هەر ئاڤا ودروست بن. ردوان گولی/سوید
